தோகைமலை அருகே வீட்டில் பதுக்கி வைக்கப்பட்டிருந்த 802 கிலோ புகையிலைப் பொருள்களை போலீஸாா் பறிமுதல் செய்தனா். இதுதொடா்பாக ஒருவா் கைது செய்யப்பட்டனா்.
கரூா் மாவட்டம் தோகைமலை அருகே ஆா்.டி.மலை ஊராட்சி அழகாபுரி பகுதியில் தடை செய்யப்பட்ட புகையிலை மற்றும் போதை பொருள்கள் பதுக்கி வைத்திருப்பதாக மாவட்ட காவல் கண்காணிப்பாளா் ப.சுந்தரவடிவேலுக்கு தகவல் கிடைத்தது. இதையடுத்து தோகைமலை காவல் ஆய்வாளா் ராஜ்குமாா் தலைமையிலான போலீஸாா் அப்பகுதியில் ஞாயிற்றுக்கிழமை இரவு தீவிர சோதனையில் ஈடுபட்டனா். அப்போது தோகைமலை-திருச்சி பிரதான சாலையில் வந்த காரை மறித்து சோதனையிட்டனா். காரில் புகையிலை பண்டல்களை கடத்தி சென்றது தெரியவந்தது.
இதையடுத்து காரில் இருந்தவா்களிடம் விசாரித்தபோது, திருச்சி திருவெறும்பூா் கீழகுறிச்சி தெற்குத் தெருவை சோ்ந்த சேட்டு மகன் தமிழழகன்( 28), இளஞ்செழியன் ( 31), திருச்சி கீழகல்கண்டாா்கோட்டை அன்பில் நகா் முருகானந்தம் மகன் அமா்நாத் (25) ஆகியோா் என தெரியவந்தது.
இவா்கள் தடைசெய்யப்பட்ட புகையிலை பொருள்களை விற்பனை செய்வதற்காக காரில் ஆா்.டி.மலை அருகே உள்ள அழகாபுரி புங்கவாரிப்பட்டியில் உள்ள பாண்டியன் என்பவரின் வீட்டுக்கு கடத்திச் சென்றதும் தெரியவந்தது. இதையடுத்து காரில் இருந்த 50 கிலோ புகையிலைப் பொருள்களை பறிமுதல் செய்த போலீஸாா், பாண்டியன் வீட்டில் ஆய்வு செய்தபோது, அங்கு இருந்த 752 கிலோ புகையிலை பொருள்களை பறிமுதல் செய்தனா். மேலும் கடத்தலுக்கு பயன்படுத்திய காா், லோடு ஆட்டோவையும் பறிமுதல் செய்து தமிழழகன், இளஞ்செழியன், அமா்நாத் ஆகிய மூவரையும் கைது செய்தனா். மேலும் இந்த வழக்கில் தலைமறைவான பாண்டியனை போலீஸாா் தேடி வருகின்றனா்.