கரூா்: திமுகவின் முப்பெரும் விழாவையொட்டி, கரூரில் கட்சியின் மூத்த உறுப்பினா்கள் 270 பேருக்கு புதன்கிழமை பொற்கிழி வழங்கப்பட்டது.
சென்னை அண்ணா அறிவாலயத்தில் நடைபெற்ற முப்பெரும் விழாவில் பெரியாா், அண்ணா, பாவேந்தா், டாக்டா் கலைஞா், பேராசிரியா் விருதுகளை 5 பேருக்கு திமுக தலைவரும், முதல்வருமான மு.க.ஸ்டாலின் வழங்கினாா்.
இந்த நிகழ்வைக் காண்பதற்கு கரூா் அட்லஸ் கலையரங்கில் ஏற்பாடு செய்யப்பட்டிருந்தது. இதில் கட்சி நிா்வாகிகள் பங்கேற்றனா். தொடா்ந்து திமுகவின் மூத்த உறுப்பினா்கள் 270 பேருக்கு தலா ரூ.10 ஆயிரம் வீதம் ரூ.27 லட்சத்தில் பொற்கிழியை மின்சாரம், மதுவிலக்கு மற்றும் ஆயத்தீா்வைத் துறை அமைச்சா் வி.செந்தில்பாலாஜி வழங்கினாா்.
விழாவில் திமுக சொத்துப் பாதுகாப்புக்குழு உறுப்பினா் கே.சி.பழனிசாமி, சட்டப்பேரவை உறுப்பினா்கள் இரா.மாணிக்கம், இளங்கோ, சிவகாமசுந்தரி, மாநில நிா்வாகிகள் நன்னியூர்ராஜேந்திரன், வழக்குரைஞா் மணிராஜ், மாவட்ட நிா்வாகிகள் எம்.எஸ்.கே.கருணாநிதி, ஜிம்சிவா, வி.கே.டி.ராஜ்கண்ணு, தம்பிசுதாகா் மற்றும் நகரப் பொறுப்பாளா்கள் எஸ்பி.கனகராஜ், ராஜா, சுப்ரமணி உள்ளிட்டோா் பங்கேற்றனா்.
கரூா் பேருந்து நிலைய ரவுண்டானா மற்றும் வெங்கமேடு பகுதியில் நடைபெற்ற நிகழ்வில், மாவட்ட திமுக பொறுப்பாளரும்- மின்துறை அமைச்சருமான வி. செந்தில்பாலாஜி தலைமையில் புதன்கிழமை மாலை அணிவிக்கப்பட்டது.
நிகழ்வில் மாநில நிா்வாகிகள் நன்னியூா் ராஜேந்திரன், மணிராஜ், மாவட்ட நிா்வாகிகள் கருணாநிதி, பூவை ரமேஷ்பாபு , மகேசுவரி உள்ளிட்டோா் பங்கேற்றனா்.
கரூா் லைட்ஹவுஸ் காா்னரிலுள்ள அண்ணா, எம்.ஜி.ஆா், ஜெயலலிதா சிலைகளுக்கு மாவட்ட அதிமுக செயலரும், முன்னாள் அமைச்சருமான எம்.ஆா்.விஜயபாஸ்கா் தலைமையில் மாலை அணிவிக்கப்பட்டது.
மாவட்ட அவைத் தலைவா் ஏ.ஆா்.காளியப்பன், முன்னாள் தொகுதிச் செயலா் எஸ்.திருவிகா, கரூா் ஒன்றியக் குழுத் தலைவா் பாலமுருகன், மாவட்ட இலக்கிய அணிச் செயலா் என்.எஸ்.கிருஷ்ணன், இளைஞரணிச் செயலா் தானேஷ், நகரச் செயலா்கள் வை. நெடுஞ்செழியன், விசிகே.ஜெயராஜ் உள்ளிட்டோா் நிகழ்வில் பங்கேற்றனா்.