வேலை வாங்கித்தருவதாகக்கூறி ரூ.50 லட்சம் மோசடியில் ஈடுபட்ட பட்டதாரி இளம்பெண்ணை போலீஸாா் வெள்ளிக்கிழமை கைது செய்தனா்.
கரூா் ஆதிமாரியம்மன் கோயில் பகுதியைச் சோ்ந்தவா் செளமியா(22). பிகாம் பட்டதாரி. இவரது, பெற்றோா் டீ கடை நடத்தி வருகிறாா்கள்.
இந்நிலையில் செளமியா பணக்காரராக ஆக வேண்டும் ஆசையில் கடந்த இரு ஆண்டுகளாக கரூா் பகுதியில் பலரை ஏமாற்றி ஆடம்பர வாழ்க்கை வாழ்ந்து வந்தாராம். இதனை பெற்றோா் கண்டித்ததால் கடந்த ஆண்டு வீட்டை விட்டு வெளியேறிய செளமியா ராமநாதபுரம் சென்றுள்ளாா்.
அங்கு ராஜேஷ் என்ற காவலரை திருமணம் செய்துகொண்டாராம்.
அங்கு தனது கணவா் காவல்துறையில் பணியாற்றுகிறாா், அவருக்கு மிகப்பெரிய முக்கியப் பிரமுகா்கள் எல்லோரையும் தெரியும் எனக்கூறி பல்வேறு வேலை வாங்கித் தருவதாக அங்குள்ளவா்களிடம் பல லட்சம் ரூபாய் மோசடியில் ஈடுபட்டாராம். இதனால் அவரை ராமநாதபுரம் போலீஸாா் கடந்த ஆண்டு கைது செய்தனராம். பிறகு சிறையிலிருந்து வெளியே வந்த செளமியா காவலா் ராஜேஷை விட்டுவிலகி கரூா் காந்திகிராமம் வந்து குடியேறியுள்ளாா்.
அங்கு மின்சாரத்துறை அமைச்சா் தனக்கு உறவினா் என பலரிடம் வேலை வாங்கித்தருவதாக கூறி ஏமாற்றியுள்ளாா்.
இந்நிலையில் வியாழக்கிழமை இரவு செளமியாவிடம் ஏமாற்றமடைந்தவா்கள் அவா் வீட்டுக்குச் சென்று கேட்டபோது, அவா் தகாத வாா்த்தையால் பேசியுள்ளாா். இதில் ஆத்திரமடைந்த பொதுமக்கள் அவரை பிடித்து பசுபதிபாளையம் போலீஸில் ஒப்படைத்தனா். அப்போது விசாரணையில் செளமியா ஆடம்பரமாக இருக்க காவலா் ராஜேஷ் உள்பட 3 பேரை திருமணம் செய்ததாகவும், சுமாா் ரூ. 50 லட்சம் வரை மோசடியில் ஈடுபட்டதாகவும் போலீஸாரிடம் கூறினாராம். இதையடுத்து புகாரின் பேரில் செளமியாவை கரூா் மாவட்ட பொருளாதார குற்றப்பிரிவு போலீஸாா் வெள்ளிக்கிழமை கைது செய்து விசாரித்து வருகின்றனா்.