லாலாப்பேட்டையில் வேன் ஓட்டுநா்வெட்டிக் கொலை
By DIN | Published On : 20th January 2023 12:00 AM | Last Updated : 20th January 2023 12:00 AM | அ+அ அ- |
லாலாப்பேட்டையில் புதன்கிழமை இரவு பொங்கல் விளையாட்டுப் போட்டி நடத்துவது தொடா்பாக ஏற்பட்ட தகராறில் வேன் ஓட்டுநா் வெட்டிக் கொலை செய்யப்பட்டாா்.
கரூா் மாவட்டம், லாலாப்பேட்டை ஆண்டியப்பநகரைச் சோ்ந்த முருகேசன் மகன் விக்னேஷ் (29). வேன் ஓட்டுநா். இவா், அப்பகுதியில் பொங்கல் விளையாட்டுப் போட்டியை ஒருங்கிணைத்து நடத்தினாா். அப்போது, அதேபகுதியைச் சோ்ந்த சுந்தரம் மகன் பிரவீன்குமாா் (27) விளையாட்டுப் போட்டியில் கபடியையும் சோ்க்கக் கூறியுள்ளாா். அதற்கு விக்னேஷ் மறுப்பு தெரிவித்துள்ளாா். இதனால் இருவரிடையே தகராறு ஏற்பட்டுள்ளது.
இந்நிலையில், புதன்கிழமை இரவு விக்னேஷ் தனது தம்பி நவீனுடன் லாலாப்பேட்டை அரசு மேல்நிலைப்பள்ளி மைதானம் அருகே நின்றுகொண்டிருந்தாா். அப்போது அங்கு வந்த பிரவீன்குாா், மீண்டும் விக்னேஷிடம் தகராறு செய்து, அரிவாளால் விக்னேஷை வெட்டிவிட்டு தப்பிஓடினாா். பலத்த காயமடைந்த விக்னேஷ் குளித்தலை அரசு மருத்துவமனையில் சோ்க்கப்பட்டு சிகிச்சை பலனின்றி உயிரிழந்தாா். இதுகுறித்து லாலாப்பேட்டை போலீஸாா் வழக்குப் பதிந்து பிரவீன்குமாரை தேடி வருகின்றனா்.
