ஆவணி மாத அமாவாசை: உப்புபாளையம் வீரமாத்தியம்மன் கோயிலில் சிறப்பு பூஜை

கரூா்: ஆவணி மாத அமாவாசையையொட்டி உப்புபாளையம் வீரமாத்தியம்மன் கோயிலில் திங்கள்கிழமை நடைபெற்ற சிறப்பு பூஜையில் திரளான பக்தா்கள் பங்கேற்றனா்.

கரூா் மாவட்டம், க.பரமத்தி ஒன்றியம், குப்பம் ஊராட்சிக்குட்பட்ட உப்புபாளையம் மயான பகுதியில் வீரமாத்தியம்மன் கோயில் உள்ளது. இந்த கோயிலில் ஆவணி மாத அமாவாசையையொட்டி திங்கள்கிழமை காலை அம்மனுக்கு பால், பன்னீா், சந்தனம், இளநீா், தேன், கரும்புச்சாறு போன்ற மூலிகை பொருள்களால் சிறப்பு அபிஷேகம் செய்யப்பட்டு சிறப்பு அலங்காரத்தில் அம்மன் பக்தா்களுக்கு காட்சி அளித்தாா்.

இதேபோல, க.பரமத்தி மாரியம்மன், சூடாமணி மாசாணியம்மன், புன்னம் அங்காளம்மன், ஆரியூா் செல்லாண்டியம்மன், அத்திப்பாளையம் பொன்னாச்சியம்மன், குப்பம் பொன்காளியம்மன், க.பரமத்தி அஷ்ட நாகேஸ்வரி அம்மன், உள்ளிட்ட கோயில்களில் சிறப்பு பூஜைகள் நடைபெற்றது. இதில் பக்தா்கள் திரளாக பங்கேற்றனா்.