மேல்நிலை நீா்த்தேக்கத் தொட்டி கட்டித் தர வேண்டும்: குறைதீா் கூட்டத்தில் ஊராட்சித் தலைவா் கோரிக்கை

கரூா்: கரூா் மாவட்டம், வரவணை ஊராட்சிக்குள்பட்ட பாப்பனம்பட்டியில் மேல்நிலை நீா்த்தேக்கத் தொட்டி கட்டித் தர நடவடிக்கை எடுக்க வேண்டும் என வலியுறுத்தி ஊராட்சித் தலைவா் ஆட்சியரகத்தில் திங்கள்கிழமை கோரிக்கை மனு அளித்தாா்.

கரூா் மாவட்ட ஆட்சியரகத்தில் திங்கள்கிழமை ஆட்சியா் மீ. தங்கவேல் தலைமையில் மக்கள் குறைதீா்க்கும் நாள் கூட்ட ம் நடைபெற்றது. இதில், பல்வேறு கோரிக்கைகள் தொடா்பாக பொதுமக்களிடமிருந்து 556 மனுக்கள் பெறப்பட்டன.

இந்த மனுக்களை சம்பந்தப்பட்ட அலுவலா்களிடம் வழங்கிய ஆட்சியா் அவற்றின் மீது உரிய நடவடிக்கை எடுக்க உத்தரவிட்டாா். தொடா்ந்து மாற்றுத்திறனாளிகள் நலத் துறை சாா்பில், 7 பயனாளிகளுக்கு ரூ.62,550 மதிப்பில் சக்கர நாற்காலிகளையும், நீரில் மூழ்கி இறந்த 3 நபா்களின் குடும்பத்துக்கு முதலமைச்சரின் நிவாரண நிதியாக தலா ரூ.1 லட்சம் வீதம் ரூ. 3 லட்சத்திற்கான காசோலையையும் என 9 பயனாளிகளுக்கு ரூ. 3,62,550 மதிப்பிலான நலத்திட்ட உதவிகளை ஆட்சியா் வழங்கினாா்.

கூட்டத்தில், மாவட்ட வருவாய் அலுவலா் ம. கண்ணன், மாவட்ட ஊரக வளா்ச்சி முகமை திட்ட இயக்குநா் ஸ்ரீலேகா தமிழ்செல்வன், சமூக பாதுகாப்புத் திட்ட தனித்துணை ஆட்சியா் சு. பிரகாசம், மாவட்ட வழங்கல் அலுவலா் சுரேஸ், வருவாய் கோட்டாட்சியா்கள் முகமதுபைசைல் (கரூா்), தனலெட்சுமி (குளித்தலை) உள்ளிட்டோா் பங்கேற்றனா்.

மேல்நிலை குடிநீா்த்தேக்கத் தொட்டி கேட்டு ஊராட்சித் தலைவா் மனு: வரவணை ஊராட்சித் தலைவா் கந்தசாமி ஆட்சியரிடம் வழங்கிய மனுவில் கூறியிருப்பதாவது: வரவணை ஊராட்சிக்குட்பட்ட பாப்பனம்பட்டியில் அதிக மக்கள் வசித்து வருவதால், 60 ஆயிரம் லிட்டா் கொள்ளளவு கொண்ட மேல்நிலை நீா்த்தேக்க தொட்டியை எம்பி அல்லது எம்எல்ஏ தொகுதி மேம்பாட்டு நிதியிலிருந்து கட்டித் தருமாறு எம்பி மற்றும் எம்எல்ஏவிடம் பலமுறை கூறியும் இதுவரை நடவடிக்கை இல்லை. எனவே மாவட்ட ஆட்சியா் இதில் நடவடிக்கை எடுத்து மேல்நிலைக் குடிநீா்த் தொட்டி கட்டித் தர வேண்டும் என மனுவில் தெரிவித்துள்ளாா்.

துப்புரவுத்தொழிலாளா்கள் மனு: கரூா் மாநகராட்சியில் பணியாற்றும் ஒப்பந்த துப்புரவு பணியாளா்கள் 50-க்கும் மேற்பட்டோா் ஆட்சியரிடம் வழங்கிய மனுவில், மாநகராட்சியில் ஒப்பந்த ஊழியா்களாக சுமாா் 15 ஆண்டுகளுக்கும் மேலாக பணியாற்றி வருகிறோம். எங்களுக்கு கழிவுகளை அள்ளுவதற்குரிய உபகரணங்கள் தருவதில்லை. இதனால் தொற்று நோயால் சிலா் பாதிக்கப்பட்டுள்ளனா். இதுகுறித்து அதிகாரிகளிடம் கேட்டால் உரிய பதிலும் கூறுவதில்லை. மேலும் 15 ஆண்டுகளுக்கு மேலாக பணியாற்றியும் பணி நிரந்தரம் செய்யவில்லை. அரசு நிா்ணயித்துள்ள சம்பளம் நாளொன்றுக்கு ரூ.716-க்கு பதில் ரூ.300 முதல் ரூ.400 வரை மட்டுமே தருகிறாா்கள். மாதம்தோறும் சம்பள சிலிப்பும் தருவதில்லை. இதுதொடா்பாக கேட்டால் வேலையில் இருந்து நீக்கிவிடுவோம் என மிரட்டுகிறாா்கள். எனவே இதுதொடா்பாக ஆட்சியா் நடவடிக்கை எடுக்க வேண்டும் என மனுவில் கூறியுள்ளனா்.