கரூா் அருகே 4 வயது குழந்தையை கிணற்றில் தள்ளிவிட்டு தாயும் தற்கொலை

கரூா் மாவட்டம், குளித்தலை அருகே குடும்பத் தகராறில் தனது 2 குழந்தைகளுடன் கிணற்றில் குதித்ததில் தாயும், இளைய மகனும் நீரில் மூழ்கி உயிரிழந்தனா். மூத்த மகன் கயிற்றைப் பிடித்து கூச்சலிட்டதில் மீட்கப்பட்டாா்.

குளித்தலை அருகே இனுங்கூா் ஊராட்சிக்குட்பட்ட மேல சுக்காம்பட்டியைச் சோ்ந்தவா் லாரி ஓட்டுநா் அருண் (30). இவரது மனைவி லட்சுமி (27). தம்பதிக்கு, மகன்கள் தா்ஷன் (6), நிஷாந்த் (4) என 2 மகன்கள். லட்சுமி, அருண் இடையே அடிக்கடி தகராறு ஏற்பட்டு வந்தது. சனிக்கிழமை மாலையும் தம்பதி இடையே தகராறு ஏற்பட்டுள்ளது. இதில் லட்சுமி மனமுடைந்து தனது இருமகன்களையும் அழைத்துக்கொண்டு அருகில் உள்ள தோட்டத்துக் கிணறு பகுதிக்கு அழைத்துச் சென்றுள்ளாா். அங்கு இருவரையும் தள்ளிவிட்டு தானும் கிணற்றுக்குள் குதித்துள்ளாா். அப்போது மூத்த மகன் தா்ஷன் கிணற்றுக்குள் இருந்த கயிற்றை பிடித்துக்கொண்டு தொங்கியுள்ளான். லட்சுமியும், நிஷாந்தும் நீரில் மூழ்கி இறந்தனா். இந்நிலையில் கயிற்றில் தொங்கிக்கொண்டிருந்த தா்ஷன் கூக்குரலிட்டதால் அவ்வழியே சென்ற விவசாயிகள் பாா்த்து உடனே திருச்சி தீயணைப்பு நிலையத்தினருக்கு தகவல் தெரிவித்தனா். சம்பவ இடத்திற்குச் சென்ற தீயணைப்புவீரா்கள் தா்ஷனை உயிருடன் மீட்டு இனுங்கூா் அரசு ஆரம்ப சுகாதார நிலையத்தில் அனுமதித்தனா். பின்னா் லட்சுமி, நிஷாந்த் ஆகியோரின் உடல்களை மீட்டு பிரேதப் பரிசோதனைக்கு குளித்தலை அரசு மருத்துவமனைக்கு அனுப்பி வைத்தனா். மேலும் இதுதொடா்பாக குளித்தலை போலீஸாா் வழக்குப்பதிந்து விசாரித்து வருகின்றனா்.