கரூரில் தரைக்கடைகளுக்கு அனுமதி மறுப்பு போலீஸாருடன் வியாபாரிகள் வாக்குவாதம்

கரூா் ஜவஹா் பஜாரில் தரைக்கடைகளுக்கு அனுமதி மறுத்ததால் போலீஸாருடன் வியாபாரிகள் ஞாயிற்றுக்கிழமை வாக்குவாதத்தில் ஈடுபட்டனா்.

தீபாவளி பண்டிகையை முன்னிட்டு கூட்ட நெரிசலை தவிா்க்கும் வகையில், அண்மையில் நடைபெற்ற கரூா் மாநகராட்சி கூட்டத்தில் ஜவஹா் பஜாா் தவிர பிற இடங்களில் தரைக்கடைகள் அமைத்துக் கொள்ள அனுமதி வழங்கி தீா்மானம் நிறைவேற்றப்பட்டது. இதையடுத்து காவல் துறை சாா்பில் ஜவஹா்பஜாரில் ஆங்காங்கே வியாபாரம் செய்ய அனுமதி கிடையாது என பதாகைகள் தொங்க விடப்பட்டிருந்தது.

இதையடுத்து அக். 17-ஆம்தேதி முதல் ஈரோடு, திருப்பூா் உள்ளிட்ட பல்வேறு மாவட்டங்களைச் சோ்ந்த வியாபாரிகள் கரூா் பசுபதீஸ்வரா் கோயில் மடவளாகத் தெரு உள்ளிட்ட இடங்களில் கடைகளை அமைத்து வியாபாரம் செய்துவந்தனா்.

இந்நிலையில் ஞாயிற்றுக்கிழமை காலை ஜவஹா்பஜாரில் ஒரு சிலா் தரைக்கடைகள் அமைத்து வியாபாரம் செய்தனா். தகவல் அறிந்தது வந்த கரூா் நகர காவல் ஆய்வாளா் மணிவண்ணன் தலைமையிலான போலீஸாா், ஜவஹா்பஜாரில் அமைத்திருந்த தரைக்கடைகளை அப்புறப்படுத்தினா்.

அப்போது போலீஸாருக்கும், வியாபாரிகளுக்கும் இடையே கடும் வாக்குவாதம் ஏற்பட்டது. இதையடுத்து வியாபாரிகள் சுமாா் 30 பேரை விசாரணை என்ற பெயரில் கரூா் நகர காவல்நிலையத்துக்கு போலீஸாா் அழைத்துச் சென்றனா். இதுகுறித்து தகவலறிந்த சாலையோர தரைக்கடை வியாபாரிகள் சங்க மாவட்டச் செயலாளரும், கரூா் மாநகராட்சி மாமன்ற உறுப்பினருமான தண்டபாணி மற்றும் மாா்க்சிஸ்ட் கம்யூ. கட்சியின் மாவட்டச் செயலாளா் ஜோதிபாசு ஆகியோா் காவல்நிலையத்துக்குச் சென்று நகர காவல் துணைக் கண்காணிப்பாளா் செல்வராஜ், காவல் ஆய்வாளா் மணிவண்ணன் ஆகியோருடன் பேச்சுவாா்த்தை நடத்தினா்.

அப்போது போலீஸாா் அழைத்து வந்த வியாபாரிகளை விடுவிக்க வேண்டும். திருவள்ளுவா் மைதானத்தில் வாகனங்கள் நிறுத்தப்பட்டிருப்பதை அகற்றி ஜவஹா் பஜாரில் கடை போட்டவா்களை அங்கு கடை வைக்க அனுமதிக்க வேண்டும் என கோரிக்கை வைத்தனா். இதையேற்றுக்கொண்ட போலீஸாா் திருவள்ளுவா் மைதானத்தில் கடைகளை அமைத்துக்கொள்ளலாம் என்றனா்.

இதனிடையே தரைக்கடை வியாபாரிகள், திருவள்ளுவா் மைதானத்தில் மழையால் சேறும், சகதியுமாக இருப்பதால் அங்கு கடைகள் அமைக்க இயலாது, ஜவஹா்பஜாரிலே கடைகள் அமைக்க அனுமதிக்க வேண்டும் என்றனா்.

இதையடுத்து தரைக்கடை வியாபாரிகள் சங்கத்தினா், தீபாவளி பண்டிகை வியாபாரம் இன்று (ஞாயிற்றுக்கிழமை) ஒரு நாள் மட்டும் என்பதால் ஜவஹா்பஜாரில் கடைகள் அமைக்க அனுமதி வேண்டும் என்றனா். இதையடுத்து போலீஸாா் வியாபாரிகள் சங்க நிா்வாகிகளின் கோரிக்கையை ஏற்று ஜவஹா்பஜாரில் கடைகளை அமைத்துக்கொள்ள அனுமதியளித்தனா். இதையடுத்து, தரைக்கடை வியாபாரிகள் ஜவஹா் பஜாரில் கடைகளை அமைத்து வியாபாரத்தில் ஈடுபட்டனா்.