பெரம்பலூர் மாவட்ட வேலைவாய்ப்பு அலுவலகத்தில் தனியார் நிறுவன சிறப்பு வேலைவாய்ப்பு முகாம் புதன்கிழமை (ஆக. 7) நடைபெற உள்ளது.
இதுகுறித்து மாவட்ட ஆட்சியர் வே. சாந்தா திங்கள்கிழமை வெளியிட்ட செய்திக்குறிப்பு:
பெரம்பலூர் மாவட்ட வேலைவாய்ப்பு அலுவலகத்தில் அப்பல்லோ மருத்துவமனை நிறுவனம் பங்கேற்கும் தனியார் நிறுவன சிறப்பு வேலைவாய்ப்பு முகாம் நடைபெற உள்ளது. இந்நிறுவனம் 10, 12 ஆம் வகுப்பு, பட்டப்படிப்பு, டி.பார்ம் மற்றும் பி.பார்ம் கல்வித்தகுதியுள்ள 100-க்கும் மேற்பட்டவர்களை தேர்வு செய்ய உள்ளது.
இப்பணியிடங்களில் சேர விரும்பும் தகுதியும், விருப்பமும் உள்ள நபர்கள் புதன்கிழமை காலை 10 மணிக்கு பெரம்பலூர் மாவட்ட வேலைவாய்ப்பு அலுவலகத்தில் நடைபெறவுள்ள முகாமில் பங்கேற்று பயன்பெறலாம்.