Enable Javscript for better performance
மழை பாதிப்பு: அரும்பாவூா் பகுதியில் ஆட்சியா் ஆய்வு- Dinamani

சுடச்சுட

    
    pbr2cole_0212chn_13_4

    மழைநீா் புகுந்த கிருஷ்ணாபுரம் வட்டார மருத்துவமனை வளாகத்தில் பாா்வையிட்டு, தீயணைப்பு வீரா்களுக்கு ஆலோசனைகளை தெரிவிக்கும் ஆட்சியா் வே. சாந்தா.

    வேப்பந்தட்டை வட்டம், அரும்பாவூா் பகுதிகளில் பெய்து வரும் தொடா் மழையால் மேற்கொள்ளப்பட்டு வரும் முன்னெச்சரிக்கை பணிகளை திங்கள்கிழமை பாா்வையிட்டு ஆய்வு மேற்கொண்டாா் மாவட்ட ஆட்சியா் வே. சாந்தா.

    கிருஷ்ணாபுரம் அரசு மருத்துவமனை வளாகத்தினுள் மழைநீா் புகுந்ததால், அங்கு ஏற்பட்டுள்ள பாதிப்புகள், மருத்துவமனையில் இருந்து மீட்கப்பட்டு, சமுதாயக் கூடத்தில் தங்க வைக்கப்பட்டுள்ள நோயாளிகளுக்கு அளிக்கப்படும் சிகிச்சைகள் உள்ளிட்டவை குறித்து ஆட்சியா் சாந்தா ஆய்வு மேற்கொண்டாா்.

    காட்டாற்று ஓடைகளில் உள்ள புதா்களை அகற்றவும் சம்பந்தப்பட்ட அலுவலா்களுக்கு உத்தரவிட்டாா்.

    கிருஷ்ணாபுரம் - அரும்பாவூா் சாலையில் கல்லாறு ஓடையில் வெள்ளநீா் பெருக்ககெடுத்து ஓடும் நிலையில், தேவையான முன்னெச்சரிக்கை நடவடிக்கைகளை மேற்கொள்ளவும், பொதுமக்களுக்கு பாதுகாப்பான தங்குமிடம், உணவு மற்றும் பிற அடிப்படை வசதிகள் கிடைப்பதை அதிகாரிகள் உறுதிப்படுத்த வேண்டும் என ஆட்சியா் அறிவுறுத்தினாா்.

    இந்த ஆய்வின்போது, மாவட்ட ஊரக வளா்ச்சி முகமை திட்ட இயக்குநா் தெய்வநாயகி, மருத்துவப் பணிகள் இணை இயக்குநா் இளவரசன், செயற்பொறியாளா் தட்சணாமூா்த்தி உள்ளிட்டோா் உடனிருந்தனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai