பாஜக உறுப்பினர் சேர்க்கை கூட்டம்
By DIN | Published On : 01st July 2019 08:37 AM | Last Updated : 01st July 2019 08:37 AM | அ+அ அ- |

புதுக்கோட்டை மாவட்ட பாஜக சார்பில் உறுப்பினர் சேர்க்கை ஆலோசனைக் கூட்டம் ஞாயிற்றுக்கிழமை நடைபெற்றது.
கூட்டத்துக்கு, மாவட்ட பாஜக தலைவர் ராம சேதுபதி தலைமை வகித்தார். மாநிலத் துணைத் தலைவர் பி.டி. அரசகுமார், கோட்டப் பொறுப்பாளர் சண்முகராஜா ஆகியோர் சிறப்பு விருந்தினர்களாகக் கலந்து கொண்டு மாவட்டம் முழுவதும் அதிக உறுப்பினர்களை சேர்ப்பது குறித்து ஆலோசனைகளை வழங்கினர். கூட்டத்தில், மாநிலச் செயலர் புரட்சிக்கவிதாசன், மாவட்டப் பொதுச் செயலர்கள் ரெங்கசாமி, சிவசாமி, தியாகராஜன், பொருளாளர் மணிகண்டன் உள்ளிட்டோரும் பங்கேற்றனர். தொடர்ந்து ஒன்றிய அளவில் கூட்டங்களை நடத்தி அதிகளவில் உறுப்பினர்களை சேர்ப்பது என முடிவு செய்யப்பட்டது.