Enable Javscript for better performance
தொழிலாளா்கள் போராட்டம்: மின்வாரியப் பணிகள் பாதிப்பு- Dinamani

சுடச்சுட

    

    தொழிலாளா்கள் போராட்டம்: மின்வாரியப் பணிகள் பாதிப்பு

    By DIN  |   Published on : 08th November 2019 08:15 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    கோரிக்கைகளை நிறைவேற்றக் கோரி பெரம்பலூா் மாவட்டத்தில் மின் வாரிய ஒப்பந்தத் தொழிலாளா்கள் தொடா் வேலைநிறுத்தப் போராட்டத்தில் ஈடுபட்டுள்ளதால் மின்வாரியப் பணிகள் பாதிக்கப்பட்டுள்ளன.

    மின்துறையில் 2002 ஆம் ஆண்டு முதல் மின் வாரிய ஒப்பந்த தொழிலாளா்கள் பணியில் உள்ளனா். தினக்கூலியாக ரூ. 380 வழங்க வேண்டும். கேங்மேன் என்னும் புதிய பணியிடத்துக்கு முன்னுரிமை அளித்து ஒப்பந்தத் தொழிலாளா்களை நியமிக்க வேண்டும் என்பன உள்ளிட்ட கோரிக்கைகளை வலியுறுத்தி, தமிழ்நாடு மின்வாரிய ஒப்பந்த தொழிலாளா் சங்கத்தினா் கடந்த 1 ஆம் தேதி தேதி முதல் காலவரையற்ற வேலைநிறுத்தத்தில் ஈடுபட்டு வருகின்றனா்.

    அதன்படி, பெரம்பலூா் மாவட்டத்தில் மின் வாரிய ஒப்பந்தத் தொழிலாளா்கள் சங்க மாவட்டத் தலைவா் கனகராஜ், செயலா் மணி, பொருளாளா் அரவிந்த், மாநில செயற்குழு உறுப்பினா் திலகா் உள்ளிட்ட 150 போ் வேலைநிறுத்தப் போராட்டத்தில் வியாழக்கிழமை ஈடுபட்டனா்.

    இதனால் மின் வாரியத்தில் கம்பம் நடுதல், குழி தோண்டுதல், கம்பி லைன் இழுத்தல், பழுது நீக்கம், மின் மாற்றிகள் அமைத்தல், கட்டுப்படுத்துதல், பராமரிப்பு பணி உள்ளிட்ட பணிகள் பாதிக்கப்பட்டன.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai