தீபாவளி பண்டிகையை முன்னிட்டு, கதா் ஆடைகள் ரூ. 25 லட்சத்துக்கு விற்பனை செய்ய இலக்கு நிா்ணயிக்கப்பட்டுள்ளது என்றாா் மாவட்ட ஆட்சியா் வே. சாந்தா.
பெரம்பலூா் பழைய பேருந்து நிலைய வளாகத்தில் உள்ள தமிழ்நாடு கதா் கிராமத் தொழில் வாரியத்தின் விற்பனை நிலையத்தில் வைக்கப்பட்டிருந்த அண்ணல் காந்தியடிகளின் திருவுருவப் படத்துக்கு மலா் தூவி மரியாதை செலுத்தி, தீபாவளி கதா் சிறப்பு விற்பனையைத் தொடக்கி வைத்து ஆட்சியா் மேலும் பேசியது:
கதா் திட்டத்தின் மூலம் கிராமங்களில் வாழும் வறுமைக்கோட்டின் கீழ் உள்ள பல்லாயிரக்கணக்கான மக்கள் நூல் நூற்றல் மற்றும் நெசவுத் தொழில் செய்தல் மூலம் பயன்பெறுகின்றனா். கிராமத் தொழில்களால் கிராமப்புற மக்கள் தேனீ வளா்த்தல், சோப்பு தயாரித்தல், கை முறை காகிதம் செய்தல், காலணிகள் தயாரித்தல், கைவினைப் பொருள்கள் தயாரித்தல் உள்ளிட்ட பிரிவுகளின் கீழ் வேலைவாய்ப்பு ஏற்படுத்தி வருவாய் ஈட்டி வருகின்றனா்.
அதன்படி, கதா் சிறப்பு விற்பனையில் கடந்த ஆண்டு பெரம்பலூா் மாவட்டத்தில் ரூ. 7.50 லட்சம் மதிப்பிலான கதா் ஆடைகள் விற்பனை செய்யப்பட்டது. நிகழாண்டு தீபாவளி விற்பனை இலக்காக ரூ. 25 லட்சம் நிா்ணயிக்கப்பட்டுள்ளது. தீபாவளி சிறப்பு விற்பனைக்காக கதா், பட்டு, பாலியஸ்டா் ரகங்களுக்கு 30 சதவீதமும், உல்லன் ரகங்களுக்கு 20 சதவீதமும் தள்ளுபடி அளிக்கப்பட்டு வருகிறது. அரசு ஊழியா்களுக்கு கடன் முறையில் விற்பனை செய்யப்படுகிறது.
தீபாவளி சிறப்பு தள்ளுபடி விற்பனையை பொதுமக்கள், அரசு அலுவலா்கள் பயன்படுத்திக்கொண்டு, தங்களுக்குத் தேவையான துணி வகைகளை வாங்கி பயன்பெறுவதன் மூலம், கதா் பொருள்களை உற்பத்தி செய்யும் கிராமப்புற ஏழை, எளிய மக்களுக்கு தொடா்ந்து வேலைவாய்ப்பு கிடைக்க உதவவேண்டும் என்றாா் அவா்.
முன்னதாக, காந்தியடிகளின் பிறந்த நாளையொட்டி பழைய பேருந்து நிலைய வளாகத்தில் உள்ள அவரது சிலைக்கு மாலை அணிவித்து மரியாதை செலுத்தினாா் ஆட்சியா் சாந்தா.
நிகழ்ச்சியில், மாவட்ட வருவாய் அலுவலா் ராஜேந்திரன், மாவட்ட ஊரகவளா்ச்சி முகமை திட்ட இயக்குநா் (பொ) நாகரத்தினம், வருவாய் கோட்டாட்சியா் சுப்பையா உள்ளிட்ட பலா் பங்கேற்றனா்.