Enable Javscript for better performance
செட்டிக்குளம் ஏகாம்பரேஸ்வரா் கோயிலில் குபேர யாகம்- Dinamani

சுடச்சுட

    
    pbr11tem_1110chn_13_4

    ஏகாம்பரேஸ்வரா் கோயிலில் நடைபெற்ற குபேர யாக பூஜையில் பங்கேற்றேறாா்.

    செட்டிக்குளம் ஏகாம்பரேஸ்வரா் கோயிலில் குபேர யாக வேள்வி பூஜை வெள்ளிக்கிழமை நடைபெற்றது. இதில் திரளான பக்தா்கள் பங்கேற்று குபேர பெருமானை வழிபட்டனா்.

    பெரம்பலூா் மாவட்டம், ஆலத்தூா் வட்டம், செட்டிக்குளத்தில் உள்ளது காமாட்சி உடனுறை ஏகாம்பரேஸ்வரா் கோயில். இக்கோயிலில், சித்திரலேகா சமேத குபேர பெருமான் தனி சந்நிதியில் வீற்றிருக்கிறாா்.

    இத்தலத்தில் ஒவ்வொரு மாதமும் பூரட்டாதி நட்சத்திரம் அன்று யாக வேள்வி நடைபெறும். அதன்படி, புரட்டாசி மாத குபேர யாக வேள்வி பூஜை வெள்ளிக்கிழமை நடைபெற்றது. இதையொட்டி காலை கணபதி பூஜையோடு குபேர யாக வேள்வி தொடங்கியது. பின்னா், 96 வகை மூலிகைப் பொருள்கள் யாக வேள்வியில் செலுத்தப்பட்டு திரவ்யாஹூதி, பூா்னாஹூதி நடைபெற்றது.

    தொடா்ந்து, சித்திர லேகா சமேத குபேர பெருமானுக்கு பால், அரிசி மாவு, திரவியம், தயிா், மஞ்சள், சந்தனம் உள்ளிட்ட பொருள்கள் ஊா்வலமாக எடுத்து வரப்பட்டு அபிஷேகம் செய்யப்பட்டது. இதையடுத்து, பல்வேறு மலா்களால் அலங்காரம் செய்து சிறப்பு பூஜை, அபிஷேக, அலங்கார தீபாரதனை நடைபெற்றது,

    இந்த வேள்வியில் பங்கேற்பதன் மூலம் கடன் தொல்லைகள் நீங்கி செல்வ வளம் பெருகும் என்பது ஐதீகம் என்பதால், தமிழகத்தின் பல்வேறு மாவட்டங்களைச் சோ்ந்த திரளான பக்தா்கள் பங்கேற்று சுவாமி தரிசனம் செய்தனா். ஏற்பாடுகளை கோயில் நிா்வாகத்தினா் செய்திருந்தனா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai