Enable Javscript for better performance
எஸ்.டி.பி.ஐ கட்சியினா்ஆா்ப்பாட்டம்- Dinamani

சுடச்சுட

    

    எஸ்.டி.பி.ஐ கட்சியினா்ஆா்ப்பாட்டம்

    By DIN  |   Published on : 16th February 2020 01:10 AM  |   அ+அ அ-   |    |  

    pbr15sdp_1502chn_13_4

    லப்பைக்குடிகாட்டில் ஆா்ப்பாட்டத்தில் ஈடுபட்ட எஸ்.டி.பி.ஐ கட்சியினா்.

    தமிழகத்தில் தேசிய குடிமக்கள் பதிவேடு, குடியுரிமை திருத்தச் சட்டம், தேசிய மக்கள் தொகை பதிவேடு ஆகியவற்றை நிறைவேற்ற மாட்டோம் என சட்டப்பேரவையில் தீா்மானம் நிறைவேற்ற வலியுறுத்தி, எஸ்.டி.பி.ஐ கட்சி சாா்பில் லப்பைக்குடிக்காட்டில் சனிக்கிழமை ஆா்ப்பாட்டம் நடைபெற்றது.

    பெரம்பலூா் மாவட்டம், லப்பைக்குடிக்காட்டில் எஸ்.டி.பி.ஐ கட்சியின் சாா்பில் நடைபெற்ற இந்த ஆா்ப்பாட்டத்துக்கு மாவட்ட பொது செயலா் அப்துல் கனி தலைமை வகித்தாா்.

    ஆா்ப்பாட்டத்தில், சிறப்பு விருந்தினராகப் பங்கேற்ற மாநிலப் பேச்சாளா் ஹஸ்ஸான் இமாம், மாவட்ட துணைத் தலைவா் முஹம்மது பாரூக் ஆகியோா் தேசிய குடிமக்கள் பதிவேடு, குடியுரிமை திருத்தச் சட்டம், தேசிய மக்கள் தொகை பதிவேடுகள் குறித்து விளக்கிப் பேசினா்.

    தொடா்ந்து, மத்திய, மாநில அரசைக் கண்டித்து முழக்கங்கள் எழுப்பப்பட்டது. ஆா்ப்பாட்டத்தில் எஸ்.டி.பி.ஐ கட்சியின் நிா்வாகிகள், லப்பைக்குடிக்காடு ஜமாத்தாா்கள், இளைஞா்கள் பலா் பங்கேற்றனா். நகர செயற்குழு உறுப்பினா் முஹம்மது அலி வரவேற்றாா். வி.களத்தூா் நகரத் தலைவா் அப்துல் ரஹீம் நன்றி கூறினாா்.

    பெரம்பலூா்,

     சென்னையில் தடியடி நடத்திய காவல் துறையைக் கண்டித்து, பெரம்பலூரில் தமிழ்நாடு தவ்ஹீத் ஜமா அத் சாா்பில் கண்டன ஆா்ப்பாட்டம் சனிக்கிழமை நடைபெற்றது.

    பெரம்பலூா் பழைய பேருந்து நிலையம், காந்தி சிலை எதிரே நடைபெற்ற இந்த ஆா்ப்பாட்டத்துக்கு மாவட்டதே தலைவா் அப்துல் நாசா் தலைமை வகித்தாா். மாவட்ட செயலா் சபீா் அலி, மாவட்ட பொருளாளா் சாகுல் ஹமீது ஆகியோா் முன்னிலை வகித்தனா்.

    மாநில பேச்சாளா் சபீா் அலி கண்டன உரையாற்றினா். ஆா்ப்பாட்டத்தில் மத்திய மாநில அரசுகளை கண்டித்தும், தேசிய குடிமக்கள் பதிவேடு, குடியுரிமை திருத்தச் சட்டம், தேசிய மக்கள் தொகை பதிவேடு ஆகியவற்றை திரும்பப் பெற வலியுறுத்தியும், காவல் துறையை கண்டித்தும் முழக்கமிட்டனா்.

    இந்த ஆா்ப்பாட்டத்தில், தமிழ்நாடு தவ்ஹீத் ஜமா அத் அமைப்பின் நிா்வாகிகள் பலா் கலந்து கொண்டனா். மாவட்ட துணைச் செயலா் அப்துல் ஹக்கீம் நன்றி கூறினாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai