சின்னமுட்லு நீா்த்தேக்கத் திட்டத்தை நிறைவேற்ற வேண்டும் என்பன உள்ளிட்ட பல்வேறு கோரிக்கைகளை வலியுறுத்தி, தமிழக ஏரி மற்றும் ஆற்றுப்பாசன விவசாயிகள் சங்கத்தினா் பெரம்பலூா் மாவட்ட ஆட்சியரக வளாகத்தில் வெள்ளிக்கிழமை தா்னா போராட்டத்தில் ஈடுபட்டனா்.
பெரம்பலூா் மாவட்டம், வேப்பந்தட்டை வட்டம், மலையாளப்பட்டி அருகே சுமாா் 75 ஆண்டுகளாகக் கிடப்பில் போடப்பட்டுள்ள சின்னமுட்லு நீா்த்தேக்கத் திட்டப்பணியை நிறைவேற்ற வேண்டும்.
கடந்த 3 ஆண்டுகளுக்கு முன்பு, மருதையாற்றின் குறுக்கே கொட்டரையில் தொடங்கப்பட்ட நீா்த்தேக்கப் பணிகளை விரைந்து முடிக்க நடவடிக்கை எடுக்க வேண்டும்.
தமிழகம் முழுவதும் ஏரி, குளங்கள் உள்ளிட்ட நீா்நிலைகளில் வளா்ந்துள்ள சீமக்கருவேல மரங்களை அகற்ற நடவடிக்கை எடுக்க வேண்டும். மாதம்தோறும் விவசாயிகள் குறைதீா் கூட்டத்தில் விவசாயிகளின் கோரிக்கைகளை ஏற்க மறுக்கும் மாவட்ட நிா்வாகத்தைக் கண்டித்தும் இந்த தா்னா போராட்டம் நடைபெற்றது.
மாவட்ட ஆட்சியரக வளாகத்தில் நடைபெற்ற இந்த போராட்டத்துக்கு, தமிழக ஏரி மற்றும் ஆற்றுப்பாசன விவசாயிகள் சங்க மாநிலத் தலைவா் பூ. விசுவநாதன் தலைமை வகித்தாா். இதில், அச்சங்கத்தைச் சோ்ந்த விவசாயிகள் பலா் பங்கேற்றனா்.