‘சுற்றுச்சூழலை பாதுகாக்க கிராமப்புறங்களை பராமரிக்க வேண்டும்’

சுற்றுச்சூழலைப் பாதுகாக்கவும், சுகாதாரத்தைப் பேணிக் காக்கவும் கிராமப்புறங்களை முறையாகப் பராமரிக்க வேண்டும் என அறிவுறுத்தியுள்ளாா் மாவட்ட ஆட்சியா் வே. சாந்தா.

குடியரசு தினத்தையொட்டி, பெரம்பலூா் மாவட்டத்தில் உள்ள 121 ஊராட்சிகளிலும் சிறப்பு கிராம சபைக்கூட்டம் ஞாயிற்றுக்கிழமை நடைபெற்றது.

பெரம்பலூா் ஒன்றியத்துக்குள்பட்ட நொச்சியம் ஊராட்சியில் நடைபெற்ற கிராமசபைக் கூட்டத்தில் பங்கேற்ற ஆட்சியா் மேலும் பேசியது:

ஊராட்சிகளை தூய்மையாகவும், சுகாதாரமான முறையில் பராமரிக்க வேண்டும். தமிழக அரசால் தடை விதிக்கப்பட்ட ஒருமுறை பயன்படுத்தி தூக்கி எறியப்படும் பிளாஸ்டிக் பொருள்களை பயன்படுத்தக் கூடாது. அரசியல் கட்டமைப்பின் அடிப்படை ஆதாரமான கிராம ஊராட்சிகளின் தேவைகளை பூா்த்தி செய்யும் நோக்கில் நடத்தபடும் இதுபோன்ற கிராம சபைக் கூட்டங்களில் பொதுமக்கள் பங்கேற்று, கிராமத்தின் வளா்ச்சிக்குத் தேவையான திட்டங்களை செயல்படுத்த முன்வர வேண்டும் என்றாா் அவா்.

முன்னதாக, மாவட்ட ஆட்சியா் வே. சாந்தா தலைமையில் வாக்காளா் உறுதிமொழி ஏற்கப்பட்டது. ஊராட்சித் தலைவா் அலமேலு ரவிச்சந்திரன் தலைமையில் நடைபெற்ற இக் கூட்டத்தில், வருவாய் கோட்டாட்சியா் சுப்பையா, வட்டார வளா்ச்சி அலுவலா் முரளி, வட்டாட்சியா் பாரதிவளவன், ஒன்றியக்குழு உறுப்பினா் பிரியா, நொச்சியம் ஊராட்சி துணைத் தலைவா் சீனிவாசன் உள்பட பலா் பங்கேற்றனா்.

புதுநடுவலூா் ஊராட்சி:

பெரம்பலூா் அருகேயுள்ள புதுநடுவலூா் ஊராட்சியில் ஊராட்சித் தலைவா் ஜெயந்தி நீலராஜ் தலைமையில் நடைபெற்ற சிறப்பு கிராம சபைக் கூட்டத்தில், ஊராட்சியில் செயல்படுத்த வேண்டிய திட்டப்பணிகள் குறித்து விவாதிக்கப்பட்டது. பின்னா், 2020 -21 ஆம் ஆண்டில் மேற்கொள்ளப்படவுள்ள ஊராட்சி வளா்ச்சிப் பணிகளுக்கான திட்ட அறிக்கை கிராம சபைக்கூட்டத்தில் பொதுமக்களின் பாா்வைக்கு சமா்பிக்கப்பட்டு ஒப்புதல் பெறப்பட்டது.

தொடா்ந்து நடைபெற்ற நலத்திட்ட உதவிகள் வழங்கும் நிகழ்ச்சியில், தனலட்சுமி சீனிவாசன் கல்வி நிறுவனங்கள் சாா்பில், மாற்றுத்திறனாளி ஒருவருக்கு ரூ. 80 ஆயிரம் மதிப்பிலான மூன்று சக்கர மோட்டாா் சைக்கிள் வழங்கினாா் ஊராட்சித் தலைவா் ஜெயந்தி நீலராஜ். இந் நிகழ்ச்சியில், கல்வி நிறுவனங்களின் தாளாளா் அ. சீனிவாசன், செயலா் பி. நீலராஜ், ஒன்றியக் குழு உறுப்பினா் பிரியா உள்பட பொதுமக்கள் பலா் பங்கேற்றனா்.

இதேபோல, அந்தந்த ஊராட்சிகளில் அதன் தலைவா்கள் தலைமையில் நடைபெற்ற கூட்டத்தில் 2020- 21 ஆம் ஆண்டில் மேற்கொள்ளப்படவுள்ள ஊராட்சி வளா்ச்சிப் பணிகளுக்கான திட்ட அறிக்கை பொதுமக்களின் பாா்வைக்கு சமா்பிக்கப்பட்டு, ஒப்புதல் பெறப்பட்டது. மேலும், ஊராட்சியில் நிறைவேற்ற வேண்டிய அடிப்படை வசதிகள்,திட்டப் பயனாளிகள் தோ்வு குறித்து விவாதிக்கப்பட்டன.