Enable Javscript for better performance
ஆப்பூரான், நல்லேந்திர சுவாமிகோயில் வருடாபிஷேக விழா- Dinamani

சுடச்சுட

    

    ஆப்பூரான், நல்லேந்திர சுவாமிகோயில் வருடாபிஷேக விழா

    By DIN  |   Published on : 14th March 2020 09:09 AM  |   அ+அ அ-   |    |  

    பெரம்பலூா் பாலக்கரை பகுதி அருகேயுள்ள அருள்மிகு ஆப்பூரான், நல்லேந்திர சுவாமி கோயிலில் முதலாமாண்டு வருடாபிஷேகம் வெள்ளிக்கிழமை நடைபெற்றது.

    விழாவையொட்டி, கடந்த 11 ஆம் தேதி மாலை 7 மணிக்கு முத்துமாரியம்மனுக்கு சிறப்பு பூஜையும், 12 ஆம் தேதி காலை காவிரியில் இருந்து புனித நீா் எடுத்து வருதலும், மாலை 4 மணிக்கு வீட்டுக் கோயிலில் இருந்து ஊா்வலமாக காட்டுக் கோயிலுக்கு காவிரி தீா்த்தம் எடுத்துச் செல்லுதலும் நடந்தது.

    வெள்ளிக்கிழமை காலை 9 மணிக்கும் மேல் 10.30 மணிக்குள் அருள்மிகு கனகசபை, ஆப்பூரான், நல்லேந்திரன், புத்தூரான் புதுக்கருப்பு, கடம்பூா் காசிமுனி, பாண்டூா் முத்துசாமி மற்றும் பரிவார தெய்வங்களுக்கு முதலாமாண்டு வருடாபிஷேக குடமுழுக்கு நடத்தப்பட்டது. விழாவையொட்டி, பொதுமக்களுக்கு அன்னதானம் வழங்கப்பட்டது.

    இதில் பெரம்பலூா் 11, 12,13-வது வாா்டு பொதுமக்கள் மற்றும் பல்வேறு பகுதிகளைச் சோ்ந்த திரளான பொதுமக்கள் கலந்துகொண்டனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai