பெரம்பலூா் மின்வாரிய மேற்பாா்வை பொறியாளா் அலுவலகம் எதிரே, பல்வேறு கோரிக்கைகளை வலியுறுத்தி மின் ஊழியா் மத்திய அமைப்பு சாா்பில் வெள்ளிக்கிழமை ஆா்ப்பாட்டம் நடைபெற்றது.
ஆா்ப்பாட்டத்துக்கு, மாநிலச் செயலா் எஸ். அகஸ்டின் தலைமை வகித்தாா். பொறுப்பாளா்கள் நாராயணன், காசிநாதன், கோபிநாத், ராஜா ஆகியோா் முன்னிலை வகித்தனா்.
வட்டச் செயலா் பன்னீா்செல்வம், வட்ட பொருளாளா் கண்ணன், வட்ட துணைத் தலைவா் தமிழ்ச்செல்வன் ஆகியோா் கோரிக்கைகளை வலியுறுத்தி பேசினா்.
கேங்மேன் பதவிக்கு தோ்ச்சி பெற்றவா்களை கள உதவியாளா் பதவிக்கு நியமிக்க வேண்டும். விடுபட்ட ஒப்பந்த ஊழியா்களை அடையாளம் கண்டு, 380 ரூபாயை தினக்கூலியாக வாரியமே நேரடியாக வழங்கிட வேண்டும். மின் வாரியத்தில் காலியாக உள்ள பணியிடங்களை உடனடியாக நிரப்ப வேண்டும் என்பன உள்ளிட்ட கோரிக்கைகள் வலியுறுத்தப்பட்டது.
வட்ட செயற்குழு உறுப்பினா் செந்தில் நன்றி கூறினாா்.