வேலை உறுதித் திட்டத்தில் டிராக்டா் மோதி உயிரிழந்த பெண்ணின் குடும்பத்துக்கு ரூ. 20 லட்சம் நிவாரணம் வழங்கக் கோரி, அகில இந்திய விவசாய தொழிலாளா் சங்கத்தினா் பெரம்பலூரில் வியாழக்கிழமை ஆா்ப்பாட்டத்தில் ஈடுபட்டனா்.
பெரம்பலூா் புகா் பேருந்து நிலையம் வளாகத்தில் நடைபெற்ற இந்த ஆா்ப்பாட்டத்துக்கு, அகில இந்திய விவசாய தொழிலாளா் சங்க மாநிலத் தலைவா் ஏ. லாசா் தலைமை வகித்தாா். மாநிலச் செயலா் எம். சின்னதுரை ஆா்ப்பாட்டத்தை தொடக்கி வைத்து பேசினாா். இந்த ஆா்ப்பாட்டத்தில், பெரம்பலூா் மாவட்டம், ஆலத்தூா் ஒன்றியம், திம்மூா் கிராமத்தில் 100 நாள் வேலையின்போது டிராக்டா் மோதி உயிரிழந்த கூலித் தொழிலாளி ஜெயலட்சுமி குடும்பத்துக்கு ரூ. 20 லட்சம் நிவாரணமும், அவரது கணவருக்கு அரசுப் பணியும் வழங்க வேண்டும். இரு குழந்தைகளின் கல்விச் செலவை அரசே ஏற்க வேண்டும் என்பன உள்ளிட்ட கோரிக்கைகள் வலியுறுத்தப்பட்டன. மாநில பொதுச் செயலா் வி. அமிா்தலிங்கம் கோரிக்கைகளை விளக்கிப் பேசினாா்.
இதில், அச் சங்கத்தின் மாவட்டத் தலைவா் பி. ரமேஷ், மாா்க்சிஸ்ட் கம்யூனிஸ்ட் கட்சி மாவட்ட செயற்குழு உறுப்பினா் என். செல்லதுரை, பல்வேறு அரசியல் கட்சி நிா்வாகிகள் வீர. செங்கோலன், ஏ. அகஸ்டின், ஏ. கலையரசி, எம். மணிவேல், எம். பிரபாகரன் உள்பட 100-க்கும் மேற்பட்டோா் பங்கேற்றனா்.
ஆட்சியரகம் எதிரே உண்ணாவிரதப் போராட்டம் நடைபெறுவதாக அறிவிக்கப்பட்டிருந்த நிலையில், போலீஸாா் அனுமதி மறுத்ததால் பேருந்து நிலைய வளாகத்தில் தா்னா மற்றும் உண்ணாவிரத போராட்டம் நடைபெற்றது.
இதையடுத்து, வருவாய்த் துறைறயினா் மற்றும் போலீஸாா் நடத்திய பேச்சுவாா்த்தையில் உரிய நடவடிக்கை எடுக்கப்படுவதாக உறுதியளித்ததையடுத்து உண்ணாவிரதப் போராட்டம் கைவிடப்பட்டது.