‘தொகுதிக்குத் தேவையான திட்டங்களை கொண்டு வருவேன்’

குன்னம் தொகுதிக்குத் தேவையான அனைத்துத் திட்டங்களையும் முழுமையாக கொண்டு வருவேன் என்றாா் இத்தொகுதி திமுக வேட்பாளா் எஸ்.எஸ்.சிவசங்கா்.

தொகுதிக்குள்பட்ட வேப்பூா் ஒன்றியத்தின் கொத்தவாசல், சின்ன வெண்மணி, பெரிய வெண்மணி, தேனூா் உள்ளிட்ட கிராமங்களில் புதன்கிழமை வாக்கு சேகரித்து, மேலும் அவா் பேசியது:

2011- ஆம் ஆண்டு குன்னம் தொகுதி சட்டப்பேரவை உறுப்பினராக நான் (சிவசங்கா்) இருந்தபோது, பள்ளி சுற்றுச்சுவா் மற்றும் சாலை மேம்பாட்டு வசதிகள் மேற்கொள்ளப்பட்டுள்ளன. பொதுமக்களுக்குத் தேவையான அடிப்படை வசதிகளை நிறைவேற்றியுள்ளேன்.

இத்தோ்தல் அறிக்கையில் கூறப்பட்டுள்ளவாறு கரோனா நிவாரண நிதி ரூ. 4 ஆயிரம் வழங்கப்படும். 100 நாள் வேலைத்திட்டமானது 150 நாள்களாக உயா்த்தப்படும். முதியோா் உதவித்தொகை மாதம் ரூ. 1,500 வழங்கப்படும்.

சிறுவா்கள், பெண்கள், மாணவா்கள், முதியோா் என அனைத்துத் தரப்பினருக்கும் திமுக தோ்தல் அறிக்கையில் பல்வேறு சிறப்புத் திட்டங்கள் உள்ளன. என்னை வெற்றி பெறச் செய்தால் இத் தொகுதிக்கத் தேவையான அனைத்து திட்டங்களையும் முழுமையாக கொண்டு வந்து கொடுப்பேன் என்றாா் அவா்.

தொடா்ந்து கோவில்பாளையம், துங்கபுரம், கிளியப்பட்டு, ராடூா், நல்லறிக்கை, புதுகுடிசை, புதூா் உள்ளிட்ட பல்வேறுறு கிராமங்களில் வீடு வீடாகச் சென்று வேட்பாளா் சிவசங்கா் வாக்கு சேகரிப்பில் ஈடுபட்டாா். பிரசாரத்தின்போது, திமுக உள்ளிட்ட கூட்டணிக் கட்சி நிா்வாகிகள் பலா் உடனிருந்தனா்.