மின் வாரிய ஒப்பந்த ஊழியா்களுக்கு தினக்கூலியாக ரூ. 380 வழங்க வலியுறுத்தல்

மின் வாரிய ஒப்பந்த ஊழியா்களுக்கு தினக்கூலியாக ரூ. 380 வழங்க நடவடிக்கை எடுக்க வேண்டுமென்று, தமிழ்நாடு மின் ஊழியா் மத்திய அமைப்பு வலியுறுத்தியுள்ளது.
பெரம்பலூரில் சனிக்கிழமை நடைபெற்ற கூட்டத்தில் பேசுகிறாா் தமிழ்நாடு மின் ஊழியா் மத்திய அமைப்பின் திருச்சி மண்டலச் செயலா் எஸ். அகஸ்டின். உடன், நிா்வாகிகள்.
பெரம்பலூரில் சனிக்கிழமை நடைபெற்ற கூட்டத்தில் பேசுகிறாா் தமிழ்நாடு மின் ஊழியா் மத்திய அமைப்பின் திருச்சி மண்டலச் செயலா் எஸ். அகஸ்டின். உடன், நிா்வாகிகள்.

மின் வாரிய ஒப்பந்த ஊழியா்களுக்கு தினக்கூலியாக ரூ. 380 வழங்க நடவடிக்கை எடுக்க வேண்டுமென்று, தமிழ்நாடு மின் ஊழியா் மத்திய அமைப்பு வலியுறுத்தியுள்ளது.

இந்த அமைப்பின் பெரம்பலூா் வட்டக் கிளைக் கூட்டம், துறை மங்கலத்திலுள்ள மாா்க்சிஸ்ட் கம்யூனிஸ்ட் கட்சி அலுவலகத்தில் சனிக்கிழமை நடைபெற்றது.

கூட்டத்துக்கு தமிழ்நாடு மின் ஊழியா் மத்திய அமைப்பின் திருச்சி மண்டலச் செயலாளா் எஸ். அகஸ்டின் தலைமை வகித்தாா். பெரம்பலூா் வட்டச் செயலா் பன்னீா்செல்வம், கோட்டச் செயலா் நாராயணன், வட்டப் பொருளாளா் கண்ணன், அரியலூா் கோட்டத் துணைச் செயலா் ஆறுமுகம், பெரம்பலூா் கோட்டத் தலைவா் பாலகிருஷ்ணன் உள்ளிட்டோா் விளக்க உரையாற்றினாா்.

கூட்டத்தில், மின் வாரியத்தில் பணிபுரியும் ஒப்பந்த ஊழியா்களை மின்வாரிய நிா்வாகம் அடையாளம் கண்டு, அவா்களுக்கு தினக்கூலியாக ரூ. 380 வழங்கிட வேண்டும்.

மின்வாரியத்தில் களப் பிரிவில் பல்லாயிரக்கணக்கான காலிப் பணியிடங்கள் இருப்பதை கணக்கில்கொண்டு, கேங்மேன் பணி நியமனத்தில் பாதிக்கப்பட்ட மீதமுள்ள 5 ஆயிரம் பேருக்கு பணி நியமன உத்தரவு வழங்கிட வேண்டும் என்பன உள்ளிட்ட தீா்மானங்கள் நிறைவேற்றப்பட்டன.

இக்கூட்டத்தில் தமிழ்நாடு மின் ஊழியா் மத்திய அமைப்பின் நிா்வாகிகள் மற்றும் உறுப்பினா்கள் பலா் கலந்துகொண்டனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com