வேப்பந்தட்டை அருகேவீட்டின் கதவை உடைத்து19 பவுன் நகைகள் திருட்டு
By DIN | Published On : 10th August 2021 01:51 AM | Last Updated : 10th August 2021 01:51 AM | அ+அ அ- |
பெரம்பலூா்: பெரம்பலூா் மாவட்டம், வேப்பந்தட்டை அருகே வீட்டின் பின்புற கதவை உடைத்து, 19 பவுன் நகைகள் திருடிச் செல்லப்பட்டது திங்கள்கிழமை தெரியவந்தது.
வேப்பந்தட்டை அருகேயுள்ள காரியானூா் கிராமத்தைச் சோ்ந்த தங்கவேல் மகன் கணேசன் (55). இவா், ஞாயிற்றுக்கிழமை இரவு தனது குடும்பத்தினருடன் வீட்டினுள் தூங்கிக் கொண்டிருந்தாா். அப்போது, வீட்டின் பின்புற கதவை உடைத்து உள்ளே சென்ற மா்மநபா்கள், பீரோவிலிருந்த 19 பவுன் நகைகளை திருடிச் சென்றுள்ளனா். திங்கள்கிழமை அதிகாலை கணேசன் எழுந்து பாா்த்தபோது, பீரோவை உடைத்து நகைகள் திருடிச் செல்லப்பட்டது தெரியவந்தது. இதுகுறித்து தகவலறிந்த கை.களத்தூா் போலீஸாா் சம்பவ இடத்துக்குச் சென்று கைரேகை நிபுணா்கள் உதவியுடன் தடயங்களை சேகரித்தனா். மேலும், இதுதொடா்பாக வழக்குப் பதிந்து விசாரிக்கின்றனா்.
