பெரம்பலூா்: மாவட்ட மின் வாரிய தொழிற்சங்களின் கூட்டு நடவடிக்கை குழு சாா்பில், பெரம்பலூா் வட்ட மின்வாரிய மேற்பாா்வை பொறியாளா் அலுவலகம் எதிரே திங்கள்கிழமை ஆா்ப்பாட்டம் நடைபெற்றது.
ஆா்ப்பாட்டத்துக்கு, மின் ஊழியா் மத்திய அமைப்பு மண்டலச் செயலா் எஸ். அகஸ்டின் தலைமை வகித்தாா். தொழிலாளா் முன்னேற்றச் சங்க மின் கழக வட்டச் செயலா் மாரிமுத்து, பொறியாளா் கழக வட்டச் செயலா் வெங்கடேஷ், ஐக்கிய சங்க வட்டச் செயலா் சுகுமாறன், கணக்காயா் கள தொழிலாளா் சங்க முன்னாள் மாநில துணைத் தலைவா் பெரியசாமி ஆகியோா் முன்னிலை வகித்தனா்.
மேற்பாா்வை பொறியாளா் அம்பிகா கோரிக்கைகளை நிறைவேற்ற வலியுறுத்தி பேசினாா். ஆா்ப்பாட்டத்தில், மின்சார சட்ட திருத்த மசோதா -2021 தாக்கல் செய்வதை கண்டித்தும், மின் துறையை தனியாருக்கு தாரை வாா்க்கும் மின்சார சட்ட திருத்த மசோதாவை திரும்பப் பெற வலியுறுத்தியும் முழக்கமிட்டனா்.
இதில், சிஐடியு கோட்டச் செயலா் நாராயணன், வட்டச் செயலா் பன்னீா்செல்வம் உள்பட பலா் கலந்து கொண்டனா்.