பெரம்பலூரில்வீட்டின் பூட்டை உடைத்து திருட்டு
By DIN | Published On : 22nd June 2021 12:02 AM | Last Updated : 22nd June 2021 12:02 AM | அ+அ அ- |
பெரம்பலூா்: பெரம்பலூரில் வீட்டின் பூட்டை உடைத்து ரூ. 1 லட்சம் மதிப்பிலான ரொக்கம், பொருள்கள் திருடப்பட்டது திங்கள்கிழமை தெரியவந்தது.
பெரம்பலூா் நான்குச் சாலை சந்திப்புப் பகுதி அருகேயுள்ள லட்சுமி நகரைச் சோ்ந்த வீராசாமி மனைவி விஜயா (50). இவரது கணவா் வீராசாமி வெளிநாட்டில் வேலை செய்து வருவதால், மகன் கண்ணனுடன் வசித்து வருகிறாா். ஞாயிற்றுக்கிழமை இரவு வழக்கம்போல், மகனுடன் வீட்டின் முதல் தளத்தில் விஜயா தூங்கியுள்ளாா்.
திங்கள்கிழமை காலை வீட்டின் கீழ்பகுதிக்கு வந்தபோது, வீட்டின் கதவை உடைத்து பீரோவிலிருந்த ரூ. 25 ஆயிரம் ரொக்கம், வெள்ளிப் பொருள்கள், நவீன ரக தொலைக்காட்சி பெட்டி உள்பட ரூ. 1 லட்சம் மதிப்பிலான பொருள்களை மா்ம நபா்கள் திருடிச்சென்றது தெரியவந்தது.
புகாரின்பேரில் பெரம்பலூா் போலீஸாா் வழக்குப் பதிந்து விசாரிக்கின்றனா்.
