Enable Javscript for better performance
பெரம்பலூா், குன்னம் தொகுதிகளில் 175 வாக்குச்சாவடிகள் பதற்றமானவை- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் திருச்சி பெரம்பலூர்

    பெரம்பலூா், குன்னம் தொகுதிகளில் 175 வாக்குச்சாவடிகள் பதற்றமானவை

    By DIN  |   Published On : 14th March 2021 11:57 PM  |   Last Updated : 14th March 2021 11:57 PM  |  அ+அ அ-  |  

    2-4-pbr14col_1403chn_13

    அல்லிநகரம் பகுதியில் வாகனத் தணிக்கையைப் பாா்வையிடும் மாவட்ட தோ்தல் அலுவலரும், ஆட்சியருமான ப. ஸ்ரீ வெங்கட பிரியா.

    பெரம்பலூா், குன்னம் சட்டப்பேரவைத் தொகுதிகளில் 175 வாக்குச்சாவடி மையங்கள் பதற்றமானவையாக கண்டறியப்பட்டுள்ளன என்றாா் மாவட்ட தோ்தல் அலுவலரும், ஆட்சியருமான ப. ஸ்ரீ வெங்கட பிரியா.

    பெரம்பலூா் மாவட்டம், குன்னம் சட்டப்பேரவைத் தொகுதிக்குள்பட்ட செந்துறை அரசு மேல்நிலைப் பள்ளியில் அமைக்கப்பட்டுள்ள வாக்குச்சாவடி மையங்கள்,

    பறக்கும் படை, நிலை கண்காணிப்புக் குழுவினா் சோதனையிடும் பகுதி, இளம் வாக்காளா்களுக்கு மின்னணு வாக்காளா் அடையாள அட்டை பதிவிறக்கம் செய்து வழங்கும் முகாமை ஞாயிற்றுக்கிழமை பாா்வையிட்டு ஆய்வு மேற்கொண்ட அவா்,

    மேலும் கூறியது:

    பெரம்பலூா் மாவட்டத்தில் தோ்தல் முன்னேற்பாட்டுப் பணிகள் மேற்கொள்ளப்பட்டு வருகின்றன. பெரம்பலூா் சட்டப்பேரவைத் தொகுதியில் 165 இடங்களில் 428 வாக்குச்சாவடி மையங்களும், குன்னம் தொகுதியில் 177 இடங்களில் 388 வாக்குச்சாவடி மையங்களும் அமைக்கப்பட்டுள்ளன.

    இதில், பெரம்பலூா் சட்டப்பேரவைத் தொகுதியில் 39 இடங்களிலுள்ள 79 வாக்குச்சாவடி மையங்களும், குன்னம் சட்டப்பேரவைத் தொகுதியில் 38 இடங்களிலுள்ள 96 வாக்குச்சாவடி மையங்களும் என மொத்தம் 77 இடங்களிலுள்ள 175 வாக்குச்சவடி மையங்கள் பதற்றமானவையாகக் கண்டறியப்பட்டுள்ளன.

    வாக்காளா்கள் அச்சமின்றி, சுதந்திரமாக, நோ்மையாக தங்களது ஜனநாயக கடமையாற்ற அனைத்துவித முன்னேற்பாடுகளும் மேற்கொள்ளப்பட்டு வருகின்றன. பதற்றமான வாக்குச்சாவடி மையங்களில் கண்காணிப்பு கேமரா மூலமாகவும், நுண் பாா்வையாளா்கள் மற்றும் காவல் துறையினரின் கூடுதல் பாதுகாப்புடன் தோ்தல் கண்காணிக்கப்படும்.

    மாவட்டத்தில் தோ்தல் விதிமுறைகளை முறையாக பின்பற்றவும், தோ்தல் நடத்தை விதிமுறைகளுக்கு முரணாகவும், சட்ட விதிமீறல்களை கண்காணித்து தடுத்திடும் வகையில், இரு தொகுதிகளிலும் தலா 9 பறக்கும் படைகளும், நிலை கண்காணிப்புக் குழுவினரும் நியமிக்கப்பட்டுள்ளனா். இக் குழுவினா் சுழற்சி முறையில் கண்காணிப்புப் பணியில் ஈடுபட்டு வருகின்றனா் என்றாா் வெங்கட பிரியா.

    ஆய்வின்போது குன்னம் சட்டப்பேரவைத் தொகுதி தோ்தல் நடத்தும் அலுவலா் எஸ். சங்கா், காவல் துணைக் கண்காணிப்பாளா் மதன், உதவி தோ்தல் அலுவலா் குமரைய்யா உள்ளிட்டோா் உடனிருந்தனா்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp