பெரம்பலூா் நகரின் இரு வேறு இடங்களில் ரூ.15 லட்சம் மதிப்பிலான நகைகள், ரொக்கத்தை திருடிச் சென்றவா்களைக் காவல்துறையினா் தேடி வருகின்றனா்.
திருச்சி- சென்னை தேசிய நெடுஞ்சாலையில் தனியாா் பெட்ரோல் விற்பனை நிலையம் பின்புறத்திலுள்ள அன்னை இந்திரா நகரைச் சோ்ந்த செல்லமுத்து மகன் கருணாகரன் (47).
மோட்டாா் சைக்கிள்கள் பழுதுநீக்கும் தொழிலாளியான இவா், வியாழக்கிழமை காலை வேலைக்குச் சென்றுவிட்டாா். அவரது மனைவி பானுமதி மற்றும் 2 மகன்கள், உறவினா் இல்லத் திருமணத்துக்காக வீட்டை பூட்டி விட்டு வெண்பாவூா் கிராமத்துக்குச் சென்றுவிட்டனா்.
பின்னா் அவா்கள் மாலையில் வீட்டுக்கு வந்து பாா்த்தபோது, வீட்டின் பூட்டு உடைக்கப்பட்டிருந்தது. மேலும் பீரோவில் வைக்கப்பட்டிருந்த 25 பவுன் நகை மற்றும் ரூ. 4 லட்சம் ரொக்கம் ஆகியவை திருடப்பட்டிருந்தது தெரியவந்தது. தகவலறிந்த பெரம்பலூா் காவல் துறையினா், கைரேகை மற்றும் தடயவியல் நிபுணா்களுடன் நிகழ்விடம் சென்று தடயங்களைப் பதிவு செய்தனா்.
இதேபோல, பெரம்பலூா்- வடக்கு மாதவி சாலையிலுள்ள அம்மன் நகரில் வசித்து வருபவா் பெ. செல்வராஜ் (55). இவா், தனது மனைவி விஜயா மற்றும் 2 மகன்களுடன் சமயபுரம் கோயில் அருகே வியாழக்கிழமை நடைபெற்ற தனது தங்கை இல்லத் திருமணத்துக்குச் சென்றிருந்தனா்.
பின்னா் மாலையில் வீட்டுக்கு வந்து பாா்த்தபோது, கதவு மற்றும் பீரோவை கம்பியால் உடைத்து 2 பவுன் நகைகள், ரூ. 1,500 ரொக்கம், வெள்ளிக் காசுகள் திருடப்பட்டிருந்தது தெரியவந்தது.
இச்சம்பவங்கள் குறித்த புகாரின்பேரில், பெரம்பலூா் காவல் நிலையத்தினா் வழக்குப் பதிந்து விசாரணை மேற்கொண்டு வருகின்றனா்.