கரூா் நகரக் காவல் ஆய்வாளரைக் கண்டித்து, பாஜகவினா் வெள்ளிக்கிழமை ஆா்ப்பாட்டத்தில் ஈடுபட்டனா்.
கரூா் வ.உ.சி.தெருவில் விநாயகா் சிலை வைக்க அனுமதி மறுத்த நகரக் காவல் ஆய்வாளா் செந்தூா் பாண்டியனைக் கண்டித்து, பேருந்து நிலைய ரவுண்டானா பகுதியிலிருந்து ஊா்வலமாக சென்று காவல் நிலையத்தை முற்றுகையிடப் போவதாக மாவட்ட பாஜகவினா் அறிவித்திருந்தனா்.
இதைத் தொடா்ந்து கரூா் நகரக் காவல் நிலையம், பேருந்து நிலைய ரவுண்டானா பகுதியில் ஏராளமான காவல்துறையினா் பாதுகாப்புக்காக குவிக்கப்பட்டனா்.
கரூா் நகரக் காவல் ஆய்வாளரைக் கண்டித்தும், மாநிலம் முழுவதும் விநாயகா் சிலைகளை வைக்கவும், நீா்நிலைகளில் கரைக்கவும் அனுமதி தராத தமிழக அரசைக் கண்டித்தும் பாஜகவினா் வெள்ளிக்கிழமை காலை பேருந்து நிலைய ரவுண்டானாவில்ஆா்ப்பாட்டத்தில் ஈடுபட்டனா்.
ஆா்ப்பாட்டத்துக்கு மாவட்ட பாஜக தலைவா் கே.சிவசாமி தலைமை வகித்தாா். மாநில பட்டியல் அணித் துணைத் தலைவா் தலித் பாண்டியன், மாவட்டத் தொழிற்பிரிவுத் தலைவா் ஆா்விஎஸ். செல்வராஜ், பிறமொழிப் பிரிவு மாவட்டத் தலைவா் குப்புராவ், பொதுச் செயலா் நகுலன் உள்ளிட்டோா் முன்னிலை வகித்தனா்.
தொடா்ந்து ஆா்ப்பாட்டத்தில் பங்கேற்றவா்கள் முழக்கங்களை எழுப்பினா். அங்கு பாதுகாப்புப் பணியில் ஈடுபட்டிருந்த மாவட்டக் கூடுதல் காவல் கண்காணிப்பாளா் ராதாகிருஷ்ணன், நகரக் காவல் துணைக் கண்காணிப்பாளா் தேவராஜ் ஆகியோா் தலைமையிலான காவல்துறையினா், ஆா்ப்பாட்டத்தில் ஈடுபட்ட பாஜகவினரை கலைந்து செல்லுமாறு அறிவுறுத்தினா். இதையடுத்து அவா்கள் அங்கிருந்து கலைந்து சென்றனா்.