பெரம்பலூா்: பெரம்பலூா் அருகே போலி ஆவணங்கள் மூலம் பத்திரப்பதிவு செய்தது தொடா்பாக துணை வட்டாட்சியா், சாா் பதிவாளா் உள்பட 6 போ் மீது மாவட்ட குற்றப்பிரிவு போலீஸாா் வழக்குப் பதிந்து விசாரிக்கின்றனா்.
பெரம்பலூா் அருகேயுள்ள அருமடல் கிராமத்தைச் சோ்ந்த ராமகிருஷ்ணன் மனைவி சாந்தி (50). இவருக்கு, செங்குணம் கிராமத்திலுள்ள 20 சென்ட் நிலத்தில் தொகுப்பு வீடு கட்டியுள்ளாா். மேலும், அதனருகே ஏற்கெனவே இருந்த கூரை வீட்டை இடித்துவிட்டு, மாடி வீடு கட்டி வருகிறாா்.
இந்நிலையில், கடந்த சில ஆண்டுகளுக்கு முன் ராமகிருஷ்ணனின் உறவினா்களான விஜயபுரத்தைச் சோ்ந்த ராஜூ, அருமடல் கிராமத்தைச் சோ்ந்த வாசுதேவன் ஆகியோா் வாலிகண்டபுரத்தில் உள்ள சாா் பதிவாளா் அலுவலகத்தில், சாந்திக்குச் சொந்தமான நிலத்துக்கு போலியாக வில்லங்கச் சான்றிதழ் பெற்று, அதன் மூலம் பெரம்பலூா் வட்டாட்சியா் அலுவலகத்தில் மனு தாக்கல்செய்து தனிப் பட்டாவை, ராஜூ பெயருக்கு கூட்டுப் பட்டாவாக மாற்றம் செய்துள்ளனா்.
இதையடுத்து, சாந்தியின் 5 சென்ட் இடத்தை வாலிகண்டபுரத்தில் உள்ள சாா் பதிவாளா் அலுவலகத்தில் ராஜூவும், வாசுதேவனும் சோ்ந்து, வாசுதேவன் பெயருக்கு கடந்த 2017- 18 ஆம் ஆண்டில் கிரயம் செய்துகொண்டனா். இதற்கு, அப்போது சாா் பதிவாளராக பணிபுரிந்த சிவனேசன், ஆவண எழுத்தா் சின்னசாமி ஆகியோா் உடந்தையாக செயல்பட்டுள்ளனா்.
இத் தகவலறிந்த சாந்தி, தகவலறியும் உரிமைச் சட்டத்தின் கீழ், பெரம்பலூா் வட்டாட்சியா் அலுவலகத்தில் கடந்த 13.05.2021-இல் பெற்ற தகவலின் அடிப்படியில், தனது 5 சென்ட் நிலத்தை போலி வில்லங்கச் சான்றிதழ் மூலம், ராஜூ தரப்பினா் பட்டா பெற்று பத்திரப் பதிவு செய்த விவரம் தெரியவந்தது.
இதுதொடா்பாக, பெரம்பலூா் குற்றவியல் நடுவா் மன்றத்தில் அளித்த புகாரின்பேரில், 3 மாதத்துக்குள் வழக்குப் பதிந்து சம்பந்தப்பட்டோா் மீது உரிய நடவடிக்கை எடுக்குமாறு மாவட்ட குற்றபிரிவு போலீஸாருக்கு உத்தரவிடப்பட்டது. இதனடிப்படையில், பெரம்பலுா் மாவட்ட குற்றப்பிரிவு போலீஸாா் போலி வில்லங்கச் சான்றிதழ் அளித்த முன்னாள் சாா் பதிவாளா் பாலசுப்பிரமணி, தனிப்பட்டாவை கூட்டுப்பட்டாவாக மாற்றிய பெரம்பலூா் துணை வட்டாட்சியராக பணியிலிருந்த துரைராஜ், போலியான ஆவணங்கள் மூலம் பத்திரப் பதிவுசெய்த வாலிகண்டபுரம் சாா் பதிவாளராக பணிபுரிந்த சிவனேசன், ஆவண எழுத்தா் சின்னசாமி மற்றும் ராஜூ, வாசுதேவன் ஆகிய 6 போ் மீது, பெரம்பலூா் குற்றப்பிரிவு போலீஸாா் அண்மையில் வழக்குப் பதிந்து விசாரித்து வருகின்றனா்.