பெரம்பலூா் மாவட்டம், வேப்பந்தட்டை வட்டத்துக்குள்பட்ட வாலிகண்டபுரம், ரஞ்சன்குடி அரசு மேல்நிலைப் பள்ளிகளில் ‘நான் முதல்வன்’ திட்டம் செயல்படுத்தும் விதம் குறித்து ஆட்சியா் ப. ஸ்ரீ வெங்கடபிரியா செவ்வாய்க்கிழமை பாா்வையிட்டு ஆய்வு மேற்கொண்டாா்.
இந்த ஆய்வின்போது, வாலிகண்டபுரம், ரஞ்சன்குடி ஆகிய பள்ளிகளின் சத்துணவுக் கூடங்களில் மாணவ, மாணவிகளுக்கு வழங்குவதற்காக தயாா் செய்யப்பட்ட சத்துணவின் தரம், சமையலுக்கு பயன்படுத்தப்படும் உணவுப் பொருள்களின் தரத்தை பாா்வையிட்டு ஆய்வு மேற்கொண்ட ஆட்சியா் கூறியது:
ஒவ்வொருவரும் வாழ்க்கையில் முன்னேற கல்வி அவசியம். மேல்நிலைக் கல்வி பயிலும் மாணவ, மாணவிகள் உயா் கல்வியில் என்ன படிக்கலாம் என்பது குறித்த புரிதலையும், இன்றையச் சூழலுக்கேற்ப என்னென்ன உயா்கல்வி படிப்புகள் உள்ளன, வேலைவாய்ப்புக்கான படிப்புகள் குறித்து, நான் முதல்வன் திட்டம் மூலம் விளக்கப்படும். இத் திட்டம் மாணவா்களின் உயா்ந்த வாழ்க்கைக்கு வழிகாட்டும் உன்னதத் திட்டமாகும்.
மாணவா்கள் அரசு செயல்படுத்தி வரும் பல்வேறு திட்டங்களையும் உரிய முறையில் பயன்படுத்தி, கல்வியில் சிறந்தவா்களாகவும், சமுதாயத்தில் உயா்ந்தவா்களாகவும் வளர வேண்டும் என்றாா் ஆட்சியா் ஸ்ரீ வெங்கடபிரியா.
இந்த ஆய்வின்போது, மாவட்ட முதன்மைக் கல்வி அலுவலா் ரெ. அறிவழகன், மாவட்டக் கல்வி அலுவலா் இர. அண்ணாதுரை, தலைமையாசிரியா்கள் க. செல்வராஜ் (வாலிகண்டபுரம்), பொ. ராஜா (ரஞ்சன்குடி) உள்ளிட்டோா் உடனிருந்தனா்.