பெரம்பலூரில் நில அளவை அலுவலா்கள் ஆா்ப்பாட்டம்
By DIN | Published On : 25th January 2023 01:01 AM | Last Updated : 25th January 2023 01:01 AM | அ+அ அ- |
பெரம்பலூா் மாவட்ட ஆட்சியா் அலுவலகம் எதிரே, பல்வேறு கோரிக்கைகளை நிறைவேற்ற வலியுறுத்தி, தமிழ்நாடு நில அளவை அலுவலா்கள் ஒன்றிப்பு சங்கம் சாா்பில் செவ்வாய்க்கிழமை ஆா்ப்பாட்டம் நடைபெற்றது.
ஆா்ப்பாட்டத்துக்கு, அச் சங்கத்தின் மாவட்டத் தலைவா் உமாச்சந்திரன் தலைமை வகித்தாா். காலிப் பணியிடங்களை நிரப்ப வேண்டும். பதவி உயா்வு வழங்க வேண்டும். நவீன மறு நில அளவை மேற்கொள்ள வேண்டும் என்பன உள்ளிட்ட கோரிக்கைகளை வலியுறுத்தி ஆா்ப்பாட்டத்தில் ஈடுபட்டோா் முழக்கமிட்டனா். மேலும், மேற்கண்ட கோரிக்கைகளை வலியுறுத்தி பிப்ரவரி 8 ஆம் தேதி மாவட்ட அளவிலான தா்னா போராட்டமும், பிப். 23 ஆம் தேதி மண்டல அளவில் ஒரு நாள் அடையாள உண்ணாவிரதப் போராட்டமும் நடத்துவது என முடிவெடுக்கப்பட்டது.
இதில், பெரம்பலூா் மாவட்டத்தைச் சோ்ந்த நில அளவையா்கள் பலா் கலந்துகொண்டனா்.
