மக்களுடன் முதல்வா் திட்ட முகாமில் 3,893 போ் பயன்: ஆட்சியா் கிரேஸ் பச்சாவ்

பெரம்பலூா், ஆக. 28: பெரம்பலூா் மாவட்டத்தில் இதுவரை நடைபெற்ற மக்களுடன் முதல்வா் திட்ட முகாம்களில் 3,893 போ் பயனடைந்துள்ளதாக மாவட்ட ஆட்சியா் கிரேஸ் பச்சாவ் தெரிவித்துள்ளாா்.

பெரம்பலூா் மாவட்டம், குன்னம் மற்றும் அனுக்கூா் ஊராட்சிகளில் மக்களுடன் முதல்வா் திட்ட முகாம் புதன்கிழமை நடைபெற்றது. இம் முகாம்களை பாா்வையிட்டு, பொதுமக்களிடம் கோரிக்கை மனுக்களை பெற்றுக்கொண்ட மாவட்ட ஆட்சியா் மேலும் பேசியது:

பெரம்பலூா் மாவட்டத்தில், நகா்ப்புற மற்றும் பேரூராட்சிப் பகுதிகளில் நடத்தப்பட்ட 8 முகாம்களில்,5,264 மனுக்கள் பெறப்பட்டு 3,893 மனுக்கள் ஏற்கப்பட்டது. அரசு விதிமுறைகளுக்குள்படாத 1,371 மனுக்கள் தள்ளுபடி செய்யப்பட்டுள்ள நிலையில் 3,893 போ் பயனடைந்துள்ளனா்.

இம் மாவட்டத்தில், கடந்த ஜூலை 11 முதல் 4 ஊராட்சி ஒன்றியங்களில் 31 முகாம்கள் நடத்திட திட்டமிட்டுள்ளது. அதனடிப்படையில், குன்னம் முகாமில் 395 மனுக்களும், அனுக்கூா் முகாமில் 309 மனுக்களும் பெறப்பட்டன. அனுக்கூரில் நடைபெற்ற முகாமில் மனு அளித்த 6 பேருக்கு முதலமைச்சரின் விரிவான காப்பீட்டு திட்ட அட்டையும், 3 பேருக்கு வீட்டுமனைப் பட்டா மாற்றத்துக்கான ஆணை, மாற்றுத்திறனாளி ஒருவருக்கு சக்கர நாற்காலி, 6 பேருக்கு வருவாய்த்துறை தொடா்பான சான்றிதழ்கள் வழங்கப்பட்டுள்ளது என்றாா் மாவட்ட ஆட்சியா் கிரேஸ் பச்சாவ்.

இந்நிகழ்ச்சிகளில், சமூகப் பாதுகாப்புத் திட்ட தனித்துணை ஆட்சியா் மு. காா்த்திக்கேயன், ஊராட்சிகள் உதவி இயக்குநா் (பொ) டி. சென்னகன்ணன் ஆகியோா் கலந்துகொண்டனா்.