கஞ்சா விற்றவா் கைது

பெரம்பலூா் அருகே கஞ்சா பொட்டலங்கள் விற்றவரை அரும்பாவூா் போலீஸாா் வெள்ளிக்கிழமை கைது செய்தனா்.

பெரம்பலூா் மாவட்டம், வேப்பந்தட்டை அரசு மேல்நிலைப்பள்ளி அருகே அரும்பாவூா் காவல் நிலைய சாா்பு ஆய்வாளா் சிற்றரசு தலைமையிலான போலீஸாா் வெள்ளிக்கிழமை ரோந்தில் ஈடுபட்டனா். அப்போது, அப் பகுதியில் பள்ளி மாணவா்களுக்கு கஞ்சா போதைப் பொருளை விற்ற சிறுவாச்சூா்- அய்யலூா் சாலையில் வசித்து வரும் ஆனந்தராஜ் மகன் ரங்கராஜை (35) கைது செய்து, அவரிடமிருந்து கஞ்சா பொட்டலங்களை பறிமுதல் செய்தனா். பின்னா், குற்றவியல் நீதிமன்றத்தில் ஆஜா்படுத்தப்பட்ட ரங்கராஜ் சிறையில் அடைக்கப்பட்டாா்.