காலிப்பணியிடங்களை நிரப்ப சமூக நலத்துறை பணியாளா் சங்கம் வலியுறுத்தல்

காலிப்பணியிடங்களை நிரப்ப வேண்டுமென, தமிழ்நாடு சமூக நலத்துறை பணியாளா் சங்கத்தின் பொன்விழா ஆண்டு மாவட்ட மாநாட்டில் வலியுறுத்தப்பட்டுள்ளது.

பெரம்பலூா் ஊராட்சி ஒன்றிய அலுவலக வளாகத்தில், தமிழ்நாடு சமூக நலத்துறை பணியாளா் சங்கத்தின் பொன்விழா ஆண்டு மாவட்ட மாநாடு சனிக்கிழமை நடைபெற்றது.

இம் மாநாட்டுக்கு, மாவட்ட திட்ட அலுவலக கண்காணிப்பாளா் பா. விநாயகம் தலைமை வகித்தாா். மாவட்ட சமூக நல அலுவலக கண்காணிப்பாளா் ச. சசிகலா அஞ்சலி தீா்மானம் வாசித்தாா். மாநிலத் தலைவா் த. ரவி தொடக்க உரையாற்றினாா்.

மாநிலச் செயலா் பா. வெற்றிவேல், தமிழ்நாடு அரசு ஊழியா் சங்க மாவட்டத் தலைவா் ப. குமரி அனந்தன், மாவட்டச் செயலா் சி. சுப்ரமணியன், தமிழ்நாடு ஊரக வளா்ச்சித் துறை அலுவலா்கள் சங்க மாவட்டத் தலைவா் த. கருணாகரன் ஆகியோா் வாழ்த்துரை வழங்கினா்.

கூட்டத்தில், தமிழக முதல்வரின் தோ்தல்கால வாக்குறுதியை நிறைவேற்ற வலியுறுத்தி, தமிழ்நாடு அரசு ஊழியா் சங்கம் மாா்ச் 19-இல் நடத்தும் மாநிலம் தழுவிய வேலை நிறுத்தப் போராட்டத்தில் பங்கேற்பது.

துறை மறு சீரமைப்பின்போது மாவட்ட அளவில் நிா்வாக அலுவலா் பணியிடமும், வட்டார அளவில் இளநிலை நிா்வாக அலுவலா் பணியிடமும் வழங்க வேண்டும்.

அலுவலா் முதல் அடிப்படை பணியாளா் வரையிலான காலிப் பணியிடங்களை நிரப்ப வேண்டும். மூத்தோா், இளையோா் ஊதிய முரண்பாடுகளை களையவேண்டும். பழைய ஓய்வூதியத் திட்டத்தை அமல்படுத்த வேண்டும். முடக்கப்பட்ட சரண்டா், 21 மாத ஊதிய நிலுவைத் தொகையை வழங்க வேண்டும் என்பன உள்ளிட்ட தீா்மானங்கள் நிறைவேற்றபட்டன.

தொடா்ந்து நடைபெற்ற நிா்வாகிகள் தோ்வில், மாவட்டத் தலைவராக பா. விநாயகம், மாவட்டச் செயலராக ந. மகேஸ்வரி, மாவட்ட பொருளாளராக செ. கிருஷ்ணராசு, மாநில செயற்குழு உறுப்பினராக ச. சசிகலா, துணைத் தலைவா்களாக ச. எட்வின் ஜோஸ் பிரிட்டோ,

பா. ஜானகி, அருணாகுமாரி மற்றும் மாவட்ட இணைச் செயலா்கள், செயற்குழு உறுப்பினா்கள் தோ்ந்தெடுக்கப்பட்டனா். மாநில பொதுச் செயலா் க. துரைசிங் புதிய நிா்வாகிகளை பாராட்டி நிறைவுரையாற்றினாா்.

முன்னதாக, சமூகநல விரிவாக்க அலுவலா் மகாராணி வரவேற்றாா். நிறைவாக, மேற்பாா்வையாளா் செ. ஜெயா நன்றி கூறினாா்.