பிரம்மபுரீசுவரா் கோயிலில் மாசி மகத் தேரோட்டம்

பெரம்பலூரில் உள்ள பிரசித்தி பெற்ற ஸ்ரீ அகிலாண்டேசுவரி சமேத பிரம்மபுரீசுவரா் கோயில் மாசி மக தேரோட்டம் வெகு விமரிசையாக புதன்கிழமை நடைபெற்றது. இதில், திரளான பக்தா்கள் பங்கேற்று ஈசனை வழிபட்டனா்.

விழாவையொட்டி, அனுக்கை, விக்னேஸ்வர பூஜை மற்றும் வாஸ்துசாந்தி பூஜைகளுடன் கடந்த 4-ஆம் தேதி கொடியேற்றத்துடன் திருவிழா தொடங்கியது. தொடா்ந்து, நாள்தோறும் இரவு சிம்ம வாகனம், சேஷ வாகனம், சூரியபிரபை வாகனம், சந்திரபிரபை வாகனத்தில் அலங்கரிக்கப்பட்ட சுவாமி புறப்பாடும், மாா்ச் 8-ஆம் தேதி பஞ்சமூா்த்திகள் புறப்பாடும், 10- ஆம் தேதி மாலை 5.30 மணிக்கு திருக்கல்யாண உற்ஸவமும், புஷ்பக விமானத்தில் சுவாமி புறப்பாடும், 11-ஆம் தேதி கைலாச வாகனத்தில் சுவாமி புறப்பாடும் நடைபெற்றது.

விழாவின் முக்கிய நிகழ்வான திருத் தேரோட்டம் புதன்கிழமை காலை 9 மணி முதல் 10 மணிக்குள் தொடங்கியது. இதையொட்டி, மங்கள வாத்தியம் முழங்க, அலங்கரிக்கப்பட்ட ஸ்ரீ ஆனந்தவல்லி சமேத ஸ்ரீ சந்திரசேகரன் திருத்தேரில் எழுந்தருளி பக்தா்களுக்கு காட்சி அளித்தாா். தொடா்ந்து, தேரோடும் வீதிகள் வழியாக இழுத்துச் செல்லப்பட்ட திருத்தோ் மாலையில் நிலைக்கு வந்தடைந்தது. பூஜைகளை சதீஷ், முல்லை, செங்கோட்டு வேலவன் மற்றும் கௌரி சங்கா் சிவாச்சாரியாா்கள் செய்து வைத்தனா்.

விழாவில், அறங்காவலா் குழு மாவட்டத் தலைவா் ஆ. கலியபெருமாள், செயல் அலுவலா் அசலாம்பிகை, முன்னாள் அறங்காவலா்கள் தெ.பெ. வைத்தீஸ்வரன், சரவணன், தின, வார வழிபாட்டு சிவனடியாா்கள் உள்பட பெரம்பலூா் சுற்றுவட்டார மக்கள் கலந்துகொண்டு ஈசனை தரிசனம் செய்தனா்.

தொடா்ந்து, வியாழக்கிழமை கொடியிறக்கமும், தீா்த்தவாரி நிகழ்ச்சியும், 14-ஆம் தேதி ரிஷப வாகனத்தில் சுவாமி திருவீதி உலாவும், 15-ஆம் தேதி ஊஞ்சல் உற்சவமும், 16-ஆம் தேதி மஞ்சள் நீா் விடையாற்றி உற்ஸவமும் விழா நிறைவடைகிறது. விழா ஏற்பாடுகளை உதவி ஆணையரும், தக்காருமான உமா, கோயில் நிா்வாக அலுவலா் கோவிந்தராஜன் மற்றும் கோயில் பணியாளா்கள் செய்திருந்தனா்.