திமுக வாக்குச்சாவடி நிலை முகவா்கள் ஆலோசனைக் கூட்டம்

பெரம்பலூா் மாவட்ட வழக்குரைஞா் அணி சாா்பில் பெரம்பலூா், குன்னம் ஆகிய சட்டப்பேரவைத் தொகுதி வாக்குச்சாவடி நிலை முகவா்கள் ஆலோசனைக் கூட்டம் வியாழக்கிழமை நடைபெற்றது.

மாவட்ட பொறுப்பாளா் வீ. ஜெகதீசன் தலைமை வகித்தாா். சட்டப்பேரவைத் தொகுதி பாா்வையாளா்கள் தங்க.சித்தாா்த், ஏ.கே. அருண், மாநில வா்த்தக அணி துணை அமைப்பாளா் சி. ராஜேந்திரன், மாநில ஆதிதிராவிடா் நலக்குழு துணைச் செயலா் பா. துரைசாமி ஆகியோா் முன்னிலை வகித்தனா்.

சிறப்பு அழைப்பாளராகப் பங்கேற்ற வழக்குரைஞா் அணி மத்திய மண்டல பொறுப்பாளா் சுவை. சுரேஷ் 2026 சட்டப்பேரவைத் தோ்தல் பணிகளை மேற்கொள்வது குறித்து ஆலோசனை வழங்கினாா்.

இதில், மாவட்ட துணைச் செயலா் பாஸ்கா், பொதுக்குழு உறுப்பினா் பட்டுச்செல்வி ராஜேந்திரன், ஒன்றியச் செயலா்கள் என். கிருஷ்ணமூா்த்தி, எம். ராஜ்குமாா், அரசு குற்றவியல் வழக்குரைஞா் பா. செந்தில்நாதன் உள்ளிட்ட பலா் கலந்துகொண்டனா். நிறைவாக, வழக்குரைஞா் அணி மாவட்ட அமைப்பாளா் பா. கவியரசு நன்றி கூறினாா்.