Enable Javscript for better performance
‘தமிழில் படித்து கிராமங்களில் வளா்ந்ததுதான் வளா்ச்சிக்கு அடித்தளம்’- Dinamani

சுடச்சுட

    

    ‘தமிழில் படித்து கிராமங்களில் வளா்ந்ததுதான் வளா்ச்சிக்கு அடித்தளம்’

    By DIN  |   Published on : 03rd December 2019 05:08 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    pdk

    தமிழில் படித்து கிராமங்களில் வளா்ந்ததுதான் எங்களின் வளா்ச்சிக்கு அடித்தளம் என்றாா் வாஷிங்டன் தமிழ்ச் சங்கத்தின் தலைவா் அகத்தியன் ஜான் பெனடிக்ட்.

    புதுக்கோட்டை பேலஸ் சிட்டி ரோட்டரி சங்கம், வீதி கலை இலக்கியக் களம், கணினித் தமிழ்ச் சங்கம் மற்றும் வெங்கடேஸ்வரா மெட்ரிக். மேல்நிலைப் பள்ளி ஆகியவற்றின் சாா்பில் செவ்வாய்க்கிழமை நடைபெற்ற வெற்றிவாசல் தன்னம்பிக்கைக் கருத்தரங்கில் பங்கேற்று, மேலும் அவா் பேசியது:

    புலம்பெயா்ந்து சென்ற எங்களைப் போன்றோருக்கு இன்னமும் நமது தேசத்தில், மனப்பாடம் செய்தே படிக்கும் கல்வி முறை போன்ற சில துயரங்கள் தொடா்கிறதே என்ற கவலை தொடா்ந்து கொண்டே இருக்கும்.

    ஆனால், உங்களைப் போன்ற நல்லவா்களைப் பாா்க்கும்போது, சாதனையாளா்களைப் பாா்க்கும்போது, உங்களையெல்லாம் வாழ்த்தும்போது நம்பிக்கை பிறக்கிறது. எங்கள் நம்பிக்கையின் அடித்தளம் நீங்கள்தான்.

    தமிழில் படித்து இன்றைக்கு கணினிப் பொறியாளா்களாக வெளிநாடுகளில் இருக்கிறோம். கிராமங்களில் மூட்டை தூக்கி, வரப்பில் தண்ணீா் பாய்ச்சி, கிணறு வெட்டி நாங்கள் வாழ்ந்த வாழ்க்கையைச் சொல்ல எந்தத் தடையும் இல்லை. அது பெருமைதான். அதுதான் எங்களின் வளா்ச்சிக்கு அடித்தளம். அதுதான் தன்னம்பிக்கை என்றாா் அகத்தியன் ஜான் பெனடிக்ட்.

    தொடா்ந்து, கஜா புயல் பாதிப்பின்போது தேநீா் கடையில் கடன் வைத்திருந்தவா்களின் கணக்குகளைத் தள்ளுபடி செய்த வம்பன் நான்கு சாலைச் சந்திப்பைச் சோ்ந்த சி. சிவக்குமாா் பாராட்டப்பட்டாா்.

    நிகழ்ச்சிக்கு கவிஞா் தங்கம் மூா்த்தி தலைமை வகித்தாா். கவிஞா் நா. முத்துநிலவன் அறிமுகவுரை நிகழ்த்தினாா். புதுக்கோட்டை வாசகா் பேரவையின் செயலா் பேராசிரியா் சா. விஸ்வநாதன் வாழ்த்திப் பேசினாா்.

    முன்னதாக பேலஸ் சிட்டி ரோட்டரி சங்கத் தலைவா் டி. ரவிச்சந்திரன் வரவேற்றாா். நிறைவில் கவிஞா் மு. கீதா நன்றி கூறினாா்.

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai