முகப்பு அனைத்துப் பதிப்புகள் திருச்சி புதுக்கோட்டை
கீரமங்கலம் முத்துமாரியம்மன் கோயில் தேரோட்டம்
By DIN | Published On : 30th July 2019 09:42 AM | Last Updated : 30th July 2019 09:42 AM | அ+அ அ- |
கீரமங்கலம் முத்துமாரியம்மன் கோயில் ஆடி தேரோட்ட திருவிழா திங்கள்கிழமை நடைபெற்றது.
இக்கோயிலில் கடந்த வாரம் காப்புக்கட்டுதலுடன் திருவிழா தொடங்கியது. தொடர்ந்து, கோயிலில் தினசரி மண்டகபடிதாரர்கள் சார்பில் அம்மனுக்கு சிறப்பு அபிஷேக ஆராதனைகளும், இரவில் கலைநிகழ்ச்சிகளும் நடைபெற்று வந்தன. திருவிழாவின் முக்கிய நிகழ்வான தேரோட்டம் திங்கள்கிழமை மாலை நடைபெற்றது.
இதையொட்டி, அலங்கரிக்கப்பட்ட தேரில் அம்மனை எழுந்தருளச்செய்து, வானவேடிக்கைகள், மேலதாளங்கள் முழங்க, ஏராளமானோர் தேரை வடம்பிடித்து இழுத்தனர். திருவிழாவில் சுற்றுவட்டார கிராம மக்கள் ஏராளமானோர் கலந்துகொண்டனர்.
