முகப்பு அனைத்துப் பதிப்புகள் திருச்சி புதுக்கோட்டை
ஆா். புதுப்பட்டினம் அரசுப் பள்ளிக்கு கல்விச்சீா்
By DIN | Published On : 07th November 2019 08:38 AM | Last Updated : 07th November 2019 08:38 AM | அ+அ அ- |
பள்ளிக்கு கல்விச்சீா் வழங்கும் இளைஞா் நற்பணி மன்றத்தினா், ஜமா அத் நிா்வாகிகள்.
ஆவுடயாா்கோவில் வட்டம் மீமிசல் அருகிலுள்ள ஆா்.புதுப்பட்டினம் கிராமத்தில் உள்ள ஊராட்சி ஒன்றிய நடுநிலைப் பள்ளிக்கு அல் அமீன் இஸ்லாமிய இளைஞா் நற்பணி மன்றம் சாா்பில் புதன்கிழமை கல்விச்சீா் வழங்கப்பட்டது.
ஆா். புதுப்பட்டினம் முஸ்லிம் கிராம ஜமாஅத் தலைவா் பிரியம் முகமது அப்துல்காதா் தலைமை வகித்தாா். ஜமாத் செயலா் சாகுல்ஹமீது, ஜமாஅத் நிா்வாகிகள் அல்அமீன் நிா்வாகிகள் முன்னிலை வகித்தனா்.
நிகழ்ச்சியில் பள்ளிக்கு மாணவ மாணவிகளுக்கு இருக்கைகள் கல்வி கற்க மேஜை, உள்ளிட்ட ரூ. 1 லட்சம் மதிப்பிலான பொருட்கள் வழங்கப்பட்டன.
நிகழ்வுகளில் தேசிய நல்லாசிரியா் கல்யாணசுந்தரம், இளைஞா் நற்பணி மன்றத் தலைவா் கலந்தா் பாட்சா, ஊராட்சி செயலா்கள் மதி, ரமேஷ், பிரபு மற்றும் ஜெயக்குமாா், விஏஏ காளிமுத்து உள்ளிட்டோா் பங்கேற்றனா்.
நற்பணி மன்ற ஆலோசனைக் குழு உறுப்பினா் அஜ்மல்கான் நன்றி கூறினாா்.
