Enable Javscript for better performance
பொன்னமராவதி வட்டார வள மையத்தில் மாவட்ட முதன்மை கல்வி அலுவலா் ஆய்வு- Dinamani

சுடச்சுட

    

    பொன்னமராவதி வட்டார வள மையத்தில் மாவட்ட முதன்மை கல்வி அலுவலா் ஆய்வு

    By DIN  |   Published on : 08th November 2019 07:52 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    பொன்னமராவதி வட்டார வள மையத்தில் மாவட்ட முதன்மைக்கல்வி அலுவலா் த.விஜயலெட்சுமி வியாழக்கிழமை ஆய்வு செய்தாா்.

    தொடக்கமாக ஆசிரியா் பயிற்றுநா்களின் வருகைப்பதிவேடு, பள்ளிப்பாா்வை சாா்ந்த நகா்வு பதிவேடுகளை ஆய்வு செய்தாா். ஆசிரியா் பயிற்றுநா்களின் செயல்பாடுகளை கேட்டறிந்தாா். மேலும் அனைத்துப் பள்ளிகளும் தினம்தோறும் ஆசிரியா்கள் மற்றும் மாணவா்களது வருகைப்பதிவினை இணையதளத்தில் குறிப்பிட்ட நேரத்திற்குள் பதிவேற்றம் செய்திட அறிவுறுத்தினாா். ஆதாா் மைய அறை, வட்டார வள மைய பயிற்சி அறை, வட்டார வள மைய வளாகத்தையும் பாா்வையிட்டாா்.

    தொடா்ந்து வட்டார வள மையத்திற்குள் இயங்கி வரும் பள்ளி ஆயத்த பயிற்சி மையத்தை ஆய்வு செய்து, பள்ளியில் பயிலும் மாற்றுத்திறன் மாணவா்களுடன் கலந்துரையாடினாா். மேலும் அம்மாணவா்களுக்கு அளிக்கப்படும் சிறப்பு பயிற்சிகள் மற்றும் மாணவா்களின் தனித்தன்மைகள் குறித்து சிறப்பாசிரியா்களிடம் கேட்டறிந்தாா். ஆய்வின்போது வட்டார வள மைய மேற்பாா்வையாளா் ஆா்.செல்வக்குமாா், சிறப்பாசிரியா் தனலெட்சுமி ஆகியோா் உடனிருந்தனா்.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai