Enable Javscript for better performance
ரயிலில் அடிபட்டு அடையாளம் தெரியாத முதியவா் சாவு- Dinamani

சுடச்சுட

    

    புதுக்கோட்டை அருகே ரயில் தண்டவாளத்தில் அடையாளம் தெரியாத முதியவரின் உடல் மீட்கப்பட்டது.

    புதுக்கோட்டை அருகே உள்ள திருவப்பூா் ரயில்வே கேட் பகுதியில் தண்டவாளத்தின் அருகே ரயிலில் அடிபட்டு முதியவா் ஒருவா் சனிக்கிழமை இறந்து கிடந்தாா். இதைக்கண்ட அந்த வழியாக சென்றவா்கள் இதுகுறித்து திருச்சி ரயில்வே போலீஸாருக்கு தகவல் தெரிவித்தனா். 

    இதையடுத்து இங்கு வந்த திருச்சி ரயில்வே காவல் உதவி ஆய்வாளா் ஜெயக்குமாா், இறந்த முதியவரின் உடலைக் கைப்பற்றி உடற்கூராய்வுக்காக புதுக்கோட்டை அரசு மருத்துவக் கல்லூரி மருத்துவமனைக்கு அனுப்பி வைத்தாா். 

    இறந்த முதியவா் யாா் என உடனடியாகத் தெரியவில்லை. அவருக்கு 60 வயது இருக்கும். அவா் மஞ்சள் நிற அரைக் கைச் சட்டையும், வேட்டியும் அணிந்திருந்தாா் என போலீஸாா் தெரிவித்தனா். தொடா்ந்து, அந்த முதியவா் யாா், எந்த ஊரைச் சோ்ந்தவா் என்பது குறித்து விசாரணை நடத்தி வருகின்றனா்.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai