மாவட்டத்தில் நடைபெறும் வளா்ச்சிப் பணிகள் ஆய்வு

புதுக்கோட்டை மாவட்டத்தில் மேற்கொள்ளப்பட்டு வரும் பல்வேறு வளா்ச்சித் திட்டப் பணிகளை அதிகாரிகள் வியாழக்கிழமை பாா்வையிட்டு ஆய்வு செய்தனா்.

மாவட்டத்தில் மேற்கொள்ளப்பட்டுவரும் பல்வேறு வளா்ச்சி பணிகள் குறித்து மாவட்ட கண்காணிப்பு அலுவலரும், சுற்றுச்சூழல் வனத்துறை அரசு செயலா் ஷம்பு கல்லோலிகா்

ஆய்வு செய்த பின்னா் அவா் செய்தியாளா்களிடம் தெரிவித்தது:

தமிழக அரசு அறிவுறுத்தலின் படி புதுக்கோட்டை மாவட்டத்தில் அரசுத் துறைகளின் சாா்பில் மேற்கொள்ளப்பட்டு வரும் பல்வேறு வளா்ச்சித் திட்டப் பணிகள் முன்னேற்றம் மற்றும் அதன் செயல்பாடுகள் குறித்து தொடா் ஆய்வு மேற்கொள்ளப்பட்டு வருகிறது. அதன்படி, விராலிமலை ஊராட்சி, கொடும்பாளூரில் ரூ.4.52 கோடி மதிப்பில் கட்டப்பட்டு வரும் அரசு தொழிற்பயிற்சி நிலைய புதிய கட்டட கட்டுமானப் பணி, விராலூரில் ரூ.1 லட்சம் மதிப்பில் தூா்வாரப்பட்ட வேம்ப ஊருணி, அன்னவாசல் ஊராட்சி ஒன்றியம், கட்டக்குடியில் ரூ.17.64 லட்சம் மதிப்பில் புதிதாக கட்டி முடிக்கப்பட்ட ஊராட்சி மன்ற அலுவலகக் கட்டடம், வீரப்பட்டி ஊராட்சி சென்னப்ப நாயக்கன்பட்டியில் ரூ.5.50 லட்சம் மதிப்பில் மேற்கொள்ளப்பட்ட மங்களாகுளம் தூா்வாரும் பணி, வீரப்பட்டியில் ரூ. 30 லட்சம் மதிப்பில் கட்டப்பட்ட அம்மா பூங்கா ஆகியவை பாா்வையிட்டு ஆய்வு செய்யப்பட்டது. ஆய்வின்போது வளா்ச்சி திட்டப் பணிகளை விரைந்து முடித்து பொதுமக்கள் பயன்பாட்டிற்கு கொண்டுவர அறிவுறுத்தப்பட்டுள்ளது என்றாா்.

ஆய்வில், மாவட்ட வன அலுவலா் ஆனந்தகுமாா், மாவட்ட ஊரக வளா்ச்சி முகமை திட்ட இயக்குநா் காளிதாசன், செயற்பொறியாளா் சேதுராமன், வட்டார வளா்ச்சி அலுவலா் கி. ரமேஷ், சிங்காரவேலு, பிரேமாவதி உள்ளிட்டோா் பங்கேற்றனா்.