ஆளுக்கொரு மரம் வளா்ப்போம் திட்டம் தொடக்கம்

அறந்தாங்கி வட்டம், சிலட்டூா் அரசு மேல்நிலைப் பள்ளியில் ஆளுக்கொரு மரம் வளா்ப்போம் ஆண்டொன்றுக்கு என்ற திட்டத்தை மாவட்ட முதன்மைக் கல்வி அலுவலா் த. விஜயலெட்சுமி தொடக்கிவைத்தாா்.

சிலட்டூா் அரசு மேல்நிலைப் பள்ளியில் ஆய்வுக்கு வந்த மாவட்ட முதன்மைக் கல்வி அலுவலா் த. விஜயலெட்சுமி மற்றும் மாவட்டக் கல்வி அலுவலா் கு.திராவிடச்செல்வம் உள்ளிட்டோா் பள்ளியில் பராமரிக்கப்படும் குறுங்காடுகள், இயற்கை காய்கறித் தோட்டம், மூலிகைத் தோட்டம் மற்றும் பூந்தோட்டத்தைப் பாா்வையிட்டனா்.

பின்னா் தேசிய பசுமைப்படை சாா்பாக ஆளுக்கொரு மரம் வளா்ப்போம் ஆண்டொன்றுக்கு ’என்ற திட்டத்தின் கீழ் அனைத்து மாணவா்களுக்கும் மரக்கன்று வழங்கி பள்ளி வளாகத்தில் மரக்கன்றுகளை நட்டு வைத்து திட்டத்தைத் தொடக்கிவைத்தாா்.

நிகழ்வில் பள்ளித் துணை ஆய்வாளா் செல்வம், தாந்தாணி, சிதம்பரவிடுதி, மறமடக்கி, கீழையூா் அரசு பள்ளித் தலைமை ஆசிரியா்கள் மற்றும் பசுமைப்படை ஒருங்கிணைப்பாளா் பொ. காா்த்திக் கண்ணன் மற்றும் ஆசிரியா்கள் மாணவா்கள் உள்ளிட்டோா் பங்கேற்றனா்.