Enable Javscript for better performance
‘மாவட்டத்தில் பயனற்ற ஆழ்துளைக் கிணறுகளை மூட நடவடிக்கை’- Dinamani

சுடச்சுட

    

    ‘மாவட்டத்தில் பயனற்ற ஆழ்துளைக் கிணறுகளை மூட நடவடிக்கை’

    By DIN  |   Published on : 31st October 2019 06:13 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    2-4-agd30bore_3010chn_21

    திருவரங்குளத்தில் பயன்பாடற்ற ஆழ்துளைக் கிணறு மூடப்பட்டுள்ளதை ஆய்வு செய்கிறாா் ஆட்சியா் பி.உமாமகேஸ்வரி.

    புதுக்கோட்டை மாவட்டத்தில் பயனற்ற நிலையில், திறந்த வெளியிலுள்ள ஆழ்துளைக் கிணறுகளை பாதுகாப்பாக மூட நடவடிக்கை மேற்கொள்ளப்பட்டு வருகிறது என்றாா் ஆட்சியா் பி.உமாமகேஸ்வரி.

    திருவரங்குளம் ஊராட்சி ஒன்றியத்தில் திறந்த நிலையிலுள்ள ஆழ்துளைக்ணறுகளை மூடும் பணியை புதன்கிழமை ஆய்வு செய்த அவா், மேலும் கூறியது:

    பயன்படுத்தப்படாத ஆழ்துளைக் கிணறுகளை உரிய பாதுகாப்புடன், கான்கிரீட் மூலமாக மூபட அறிவுறுத்தப்பட்டுள்ளது. இதை உறுதி செய்யும் வகையில்,மாவட்டம் முழுவதும் உள்ள பயன்பாடற்ற ஆழ்துளைக் கிணறுகள் முறையாக மூடப்பட்டுள்ளதை வருவாய், வேளாண், பொதுப்பணி, கல்வித்துறைகள், உள்ளாட்சி அமைப்புகள் உள்ளிட்ட தொடா்புடைய அனைத்துத் துறை அரசு அலுவலா்களும் அறிக்கை சமா்ப்பிக்க அறிவுறுத்தப்பட்டுள்ளது.

    திருவரங்குளம் ஒன்றியத்தில் தோப்புக்கொல்லை, பூவரசக்குடி, சேந்தாங்குடி உள்ளிட்ட பகுதிகளில் நேரடி ஆய்வு மேற்கொள்ளப்பட்டது.

    மேலும், பொதுமக்களுக்கு இதுகுறித்த விழிப்புணா்வை ஏற்படுத்திட நடவடிக்கை மேற்கொள்ளப்பட்டுள்ளது.

    பொதுமக்கள் ஏதேனும் திறந்த வெளியில் ஆழ்துளைக் கிணறுகள் இருப்பின்,அது குறித்து 18004259013 என்ற கட்டணமில்லா தொலைபேசி எண்ணில் ஊராட்சிகள் உதவி இயக்குநரைத் தொடா்பு கொண்டு தகவல் தெரிவிக்கலாம் என்றாா் அவா்.

    இந்த ஆய்வின் போது மாவட்ட ஊரக வளா்ச்சி முகமை திட்ட இயக்குநா் எம்.காளிதாசன், வட்டார வளா்ச்சி அலுவலா் கோகுல கிருஷ்ணன் உள்ளிட்டோா் உடனிருந்தனா்.

     

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai