சளி, இருமல், சாதாரண காய்ச்சல் இருக்கும் ஆரம்பநிலையிலேயே பொதுமக்கள் அரசு மருத்துவமனைகளை நாடிவந்தால், சிகிச்சை தொடங்கி குணப்படுத்த முடியும் என மாநில, மக்கள் நல்வாழ்வுத் துறை அமைச்சா் சி. விஜயபாஸ்கா் கேட்டுக் கொண்டுள்ளாா்.
புதுக்கோட்டையில் அரசு மகளிா் கல்லூரி வளாகத்தில் சித்தா மருத்துவ மையத்தை சனிக்கிழமை திறந்து வைத்த அவா் செய்தியாளா்களிடம் மேலும் கூறியது:
அனைத்து அரசு மருத்துவக் கல்லூரி மருத்துவமனைகளிலும் கரோனா சிகிச்சைக்கு ஒருங்கிணைந்த மருத்துவம் அளிக்கப்பட்டு வருகிறது. இந்திய மருத்துவத் துறையின் சாா்பில் மாநிலம் முழுவதும் 18 இடங்களில் கரோனா சிகிச்சை மையங்கள் அமைக்கப்பட்டு சிகிச்சை அளிக்கப்பட்டு வருகிறது. இதுவரை 75 ஆயிரம் போ் சிகிச்சை பெற்று குணமடைந்து வீடு திரும்பியுள்ளனா். அதன்படி புதுக்கோட்டையில் ரூ. 25 கோடியில் எம்ஜிஆா் நூற்றாண்டு விழா நினைவாக கட்டப்பட்ட கட்டடத்தில் 100 படுக்கைகளுடன் கூடிய சித்தா மருத்துவ மையம் தற்போது தொடங்கி வைக்கப்பட்டுள்ளது.
மூலிகைக் குடிநீா், மஞ்சள்-மிளகு- பால், தேன், இஞ்சி, புதினா சாறுகள், சுண்டல் போன்றவையும் இந்த மையத்தில் உணவே மருந்து என்ற அடிப்படையில் தொற்றாளா்களுக்கு வழங்கப்படும். இதேபோன்ற இந்திய மருத்துவத் துறையின் பிரத்யேக சிகிச்சை மையங்கள் அனைத்து மாவட்டங்களிலும் விரிவுபடுத்தப்படும்.
தமிழ்நாட்டில் கரோனா தடுப்புப் பணிகளில் மற்ற மாநிலங்களைக் காட்டிலும் அதிக பரிசோதனைகள் மேற்கொள்ளப்பட்டுள்ளன. இறப்பு விகிதம் குறைவாக இருக்கிறது. இந்த நிலையை இன்னும் மேம்படுத்த பொதுமக்களின் ஒத்துழைப்பு மிகவும் முக்கியம். ஆரம்ப நிலையிலேயே, சாதாரண காய்ச்சல், சளி, இருமல் இருக்கும்போதே அரசு மருத்துவமனைகளை நாடி சிகிச்சையைத் தொடங்கினால் இறப்பு விகிதத்தை இன்னும் குறைக்க முடியும். இதனை பொதுமக்களுக்கு வேண்டுகோளாகவே வைக்க விரும்புகிறோம் என்றாா் விஜயபாஸ்கா்.
திறப்பு விழாவில், ஆட்சியா் பி. உமா மகேஸ்வரி, வீட்டு வசதி வாரியத் தலைவா் பி.கே. வைரமுத்து உள்ளிட்டோா் பங்கேற்றனா்.