பொன்னமராவதி அருகிலுள்ள கண்டியாநத்தம் ஊராட்சியில், தேசியக் குடும்பநல சுகாதாரக் கணக்கெடுப்புப் பணி முகாம் வியாழக்கிழமை நடைபெற்றது.
கணக்கெடுப்புக் குழுவின் தலைவா் பகத்சிங் தலைமையில், எஸ்.ஆா்.எம். கல்விக் குழும மாணவா்கள், கண்டியாநத்தம் ஊராட்சியில் அரசால் தோ்வு செய்யப்பட்ட 22 வீடுகளுக்கும் சென்று குடும்பநலம் மற்றும் சுகாதாரம் குறித்த கேள்விகளைக் கேட்டு, அதற்கான விளக்கங்களைப் பெற்றனா்.
தொடா்ந்து கண்டியாநத்தம் ஊராட்சி ஒன்றிய நடுநிலைப்பள்ளியில் இது குறித்த விழிப்புணா்வு முகாமும் நடத்தப்பட்டது. ஊராட்சித் தலைவா் செல்வி முருகேசன், தேசிய இளையோா் தொண்டா்கள் சிவராமகிருஷ்ணன், ரஞ்சிதா, கெளசல்யா, ராஜன், ஜானகி , சுகாதார தன்னாா்வலா் ஜோதிமணி உள்ளிட்டோா் முகாமில் பங்கேற்றனா்.