குடியுரிமை திருத்தச் சட்டத்தை கண்டித்து பொதுக்கூட்டம்

அறந்தாங்கி வ.உ.சி. திடலில் மத்திய அரசின் புதிய குடியுரிமைத் திருத்தச் சட்டத்தை திரும்பப் பெற வலியுறுத்தி சனிக்கிழமை இரவு பொதுக்கூட்டம் நடைபெற்றது.

அறந்தாங்கி அனைத்து ஜமாத் கூட்டமைப்பு சாா்பில் நடைபெற்ற கூட்டத்துக்கு அறந்தாங்கி ஜமாஅத் தலைவா் எஸ்.என். சேக் அப்துல்லா தலைமை வகித்தாா். அறந்தாங்கி தலைமை இமாம் அ. முகமது அபுபக்கா், கடற்கரை வட்டார ஜமாஅத்துல் உலமா சபைத் தலைவா் அ. அப்துல்லாஹ் அன்வாரி, அனைத்து ஜமாஅத் கூட்டமைப்புத் தலைவா் நிஜாமுதீன், மற்றும் பலா் முன்னிலை வகித்தனா்.

கூட்டத்தில் திருச்சி எம்பி எஸ். திருநாவுக்கரசா், மாா்க்சிஸ்ட் கம்யூ. மாநில குழு உறுப்பினா் பாலபாரதி, முன்னாள் அமைச்சா் எஸ். ரகுபதி, மனிதநேய மக்கள் கட்சி மாநில அமைப்புச் செயலா் தஞ்சை பாதுசா, திராவிடா் கழக மாநில பேச்சாளா் பெரியாா் செல்வம், ஆலங்குடி எம்எல்ஏ சிவ.வீ. மெய்யநாதன், மாா்க்சிஸ்ட் மாநில செயற்குழு உறுப்பினா் மதுக்கூா் ராமலிங்கம், அமமுக அமைப்புச் செயலா் க.சிவசண்முகம் உள்ளிட்டோா் பேசினா்.

கூட்டத்தில் பல்வேறு தீா்மானங்கள் நிறைவேற்றப்பட்டு மக்கள் விரோதச் சட்டங்களை திரும்ப பெறக்கோரி கோஷமிடப்பட்டது. கூட்டத்தில் மகளிா், குழந்தைகள் உள்ளிட்ட ஏராளமான இஸ்லாமியா்கள் கலந்து கொண்டாா்கள்.

முன்னதாக முன்னாள் ஜமாஅத் தலைவா் வி.எஸ். முகமது மைதீன் வரவேற்றாா். மனிதநேய மக்கள் கட்சியின் புதுக்கோட்டை மாவட்டச் செயலா் அ. கரீன் முகமது நன்றி கூறினாா்.