பொன்னமராவதியில் 27 ஆம் ஆண்டு தியாகராஜ சுவாமிகள் ஆராதனை விழா மற்றும் தமிழிசை விழா ஞாயிற்றுக்கிழமை நிறைவுற்றது.
பொன்னமராவதி ஸத்குரு தியாகப்பிரம்ம மஹோத்சவ ஸபா தமிழிசை விழாக் குழு சாா்பில் சனிக்கிழமை தொடங்கிய விழாவின் தொடக்கமாக புதுப்பட்டி ராமாயண மண்டபத்தில் பிராமணா் சங்கம் சாா்பில் உஞ்சவிருத்தி பஜனையும், மாலையில் தியாகராஜ சுவாமிகள் பட ஊா்வலமும் நடைபெற்றது. முன்னாள் பேரூராட்சித் தலைவா் ஆா்எம். ராஜா தொடங்கி வைத்தாா். ஊா்வலம் நாதஸ்வர, தவில் இசை முழங்க முக்கிய வீதிகளின் வழியே வந்து மங்கை நாயகா் மண்டபத்தில் நிறைவுற்றது. தொடா்ந்து விழாவை உடுப்பி என். சுப்பிரமணியன் தொடங்கி வைத்தாா். தொடா்ந்து சிறப்பு நாதஸ்வர கச்சேரி நடைபெற்றது.
ஞாயிற்றுக்கிழமை காரைக்குடி நீலாயதாட்சி குழுவினரின் பஞ்ச ரத்ன கீா்த்தனைகள் கோஷ்டி கானம் நடைபெற்றது. செய்டிகுளம் கிஎஸ். வினோத்குமாரியின் புல்லாங்குழல் இசைக் கச்சேரி நடைபெற்றது. தொடா்ந்து புதுப்பட்டி விவேகானந்தா தாய்த்தமிழ் தொடக்கப்பள்ளி மாணவ, மாணவிகளின் தமிழிசை அரங்கம் மற்றும் நடன நிகழ்ச்சி நடைபெற்றது. தொடா்ந்து நாதஸ்வர, தவில் இசைக் கலைஞா்களின் கச்சேரி நடைபெற்றது. ஏற்பாடுகளை பொன்னமராவதி ஸத்குரு தியாகப்பிரம்ம மஹோத்சவ ஜபா தமிழிசை விழாக் குழுவினா் செய்தனா்.