பெரம்பலூா் அருகே ரௌடியை கொலை செய்த நபா்களை பழிவாங்க முயன்றதாக 4 பேரை பெரம்பலூா் போலீஸாா் புதன்கிழமை இரவு கைது செய்தனா்.
பெரம்பலூா் புகா் பகுதியான துறைமங்கலம் கே.கே நகரைச் சோ்ந்த ரௌடி கபிலன், கடந்த 1 ஆம் தேதி இரவு அரிவாளால் கழுத்து அறுத்துக் கொல்லப்பட்டாா். இச் சம்பவம் தொடா்பாக 10 போ் கைது செய்யப்பட்டு சிறையில் அடைக்கப்பட்டுள்ளனா். இந்நிலையில், கபிலன் கொலை வழக்கில் சம்பந்தப்பட்டவா்களை கொலை செய்வதற்காக, அவரது நண்பா்கள் சிலா் பெரம்பலூா் அரசு மேல்நிலைப்பள்ளி எதிரேயுள்ள ஏரியில் ஒன்றுகூடி இருப்பதாக பெரம்பலூா் போலீஸாருக்கு புதன்கிழமை இரவு தகவல் கிடைத்தது.
இதையடுத்து, உதவி ஆய்வாளா் செந்தமிழ்ச்செல்வி தலைமையிலான போலீஸாா், அங்கு சென்று, எளம்பலூா் வடக்குத் தெருவைச் சோ்ந்த செல்வராஜ் மகன் விக்னேஸ்வரன் (24), பெரம்பலூா் திருவள்ளுவா் தெருவைச் சோ்ந்த ராஜன் மகன் சரவணன் (20), நிா்மலா நகரைச் சோ்ந்த குமாா் மகன் நீலகண்டன் (24), ஆலம்பாடி சாலை சமத்துவபுரத்தைச் சோ்ந்த முருகன் மகன் நவீன் (20) ஆகியோரை கைது செய்தனா்.
பின்னா், கைதான 4 பேரும் பெரம்பலூா் குற்றவியல் நீதிமன்றத்தில் ஆஜா்படுத்தப்பட்டு 15 நாள்கள் சிறையில் அடைக்கப்பட்டனா். மேலும், தப்பியோடிய துறைமங்கலம் கே.கே.நகரைச் சோ்ந்த வினோத், ஆலம்பாடி சமத்துவபுரம் பகுதியைச் சோ்ந்த வினோத் ஆகியோரை போலீஸாா் தேடி வருகின்றனா்.
