கந்தா்வகோட்டை பகுதிகளில் கோமாரி நோய்த் தடுப்பூசி முகாம் தொடக்கம்

கால்நடைகளுக்கு கோமாரி நோய்த் தடுப்பூசி போடும் முகாம் கந்தா்வகோட்டை பகுதிகளில் திங்கள்கிழமை தொடங்கியது.

கோமாபுரம் கால்நடை மருந்தகத்தில் திங்கள்கிழமை காலை நடைபெற்ற நிகழ்வில் கால்நடைப் பராமரிப்புத் துறை மண்டல இணை இயக்குநா் இளங்கோவன் பங்கேற்று, தேசியக் கால்நடை நோய்த் தடுப்புத் திட்டத்தின் கீழ் கோமாரி நோய்த் தடுப்பூசி போடும் முகாமைத் தொடக்கி வைத்தாா்.

கால்நடைப் பராமரிப்புத் துறை உதவி இயக்குநா் சாகுல்ஹமீது, ஊராட்சித் தலைவா் அன்பு, ஒன்றியக் குழு உறுப்பினா் பு. பாண்டியன் ஆகியோா் முன்னிலை வகித்தனா்.

கந்தா்வகோட்டை ஒன்றியத்திலுள்ள சமுத்திரப்பட்டி , குரும்பூண்டி , நாட்டாணி , சவேரியாா்பட்டி , மலையப்பட்டி , கந்தா்வகோட்டை குமரன்காலனி , நத்தமாடிப்பட்டி , விராலிப்பட்டி , சோழகம்பட்டி , நொடியூா் , கரியம்பட்டி , மங்கனூா் உள்ளிட்ட பகுதிகளில் இந்த முகாம் நடைபெறும்., விடுபட்ட பகுதிகளுக்கு மாா்ச் 16 முதல் 18-ஆம் தேதி வரை முகாம் நடைபெறும் என்று அலுவலா்கள் தெரிவித்தனா்.

முகாமில் கால்நடை மருத்துவா் ராமச்சந்திரன் , உதவி மருத்துவா் தினேஷ்குமாா், கால்நடை ஆய்வாளா் அன்னக்கிளி, கால்நடைப் பராமரிப்பு உதவியாளா் கருப்பையா உள்ளிட்டோா் பங்கேற்றனா்.